ବାଙ୍କୀ: ମୋ ଗାଁ, ମୋ ପରିବାର ଓ ସମାଜରେ ଯଦି କୁଷ୍ଠ ରୋଗରେ କୈାଣସି ବ୍ୟକ୍ତି ଆକ୍ରାନ୍ତ ହୋଇଥାନ୍ତି ତେବେ ସେମାନଙ୍କ ଚିକିତ୍ସା ସେବା ଯୋଗାଇବାରେ ସହଯୋଗ କରିବି ଏବଂ କୁଷ୍ଠ ରୋଗୀଙ୍କ ସହ ସାମାଜିକ ଭେଦଭାବ ଭୁଲି ମିଳାମିଶା କରିବା ପାଇଁ ଏକ ଶପଥପାଠ କାର୍ଯ୍ୟକ୍ରମ ସୁବର୍ଣ୍ଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିଚାଳନାରେ ଅନୁଷ୍ଠିତ ହୋଇଯାଇଛି। ସୁବର୍ଣ୍ଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକ୍ଷକ ଡାକ୍ତର ଅମରେଶ ସାହୁଙ୍କ ପ୍ରତ୍ୟେକ୍ଷ ତତ୍ତ୍ବାବଧାନରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିନ ପୁଇଁଚା ପଞ୍ଚାୟତ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ଉପସ୍ଥିତ ଆଶାକର୍ମୀ, ଅଙ୍ଗନବାଡିକର୍ମୀ ଏବଂ ଗାଁ କଲ୍ୟାଣ ସମିତିର ସଦସ୍ୟ ମାନଙ୍କ ଉପସ୍ଥିତିରେ କୁଷ୍ଠ ରୋଗ ନିରାକରଣ ନିମନ୍ତେ ଜନସଚେତନତା ଓ ଶପଥପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ପୁରୁଷ ସ୍ୱାସ୍ଥ୍ୟକର୍ମୀ ରମାକାନ୍ତ ଷଡଙ୍ଗୀ,ଗାୟତ୍ରୀ ବେହେରା ପ୍ରମୁଖ ଏହି କାର୍ଯ୍ୟକ୍ରମ ସଂଚାଳନ କରିଥିଲେ। ଶପଥପାଠ ଉତ୍ସବରେ କୁଷ୍ଠମୁକ୍ତ ଭାରତ ଗଠନ କରିବାକୁ ସମସ୍ତଙ୍କର ସହଯୋଗ ଜରୁରୀ ବୋଲି ପ୍ରକାଶ କରିଥିଲେ। ଜନସାଧାରଣଙ୍କ ସଚେତନତା ପାଇଁ ବାଙ୍କୀ ବ୍ଲକର ସମସ୍ତ ରାଜସ୍ୱ ଗ୍ରାମରେ ଗାଁ କଲ୍ୟାଣ ସମିତି ସହଯୋଗରେ ଏହି କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା ପାଇଁ ସ୍ୱାସ୍ଥ୍ୟ ବିଭାଗ ପକ୍ଷରୁ ପରାମର୍ଶ ଦିଆଯାଇଛି। ଜିଲ୍ଲାପାଳଙ୍କ ଦ୍ୱାରା ପଠାଯାଇଥିବା ଶପଥ ପାଠକୁ ପାଠ କରାଯାଇଛି।
Comments are closed.