ଓଡିଶାରେ ଓମିକ୍ରନ ; ଲୋକସେବା ଭବନରେ ଉଚ୍ଚସ୍ତରୀୟ ବୈଠକ

ଭୁବନେଶ୍ୱର : ଓଡିଶାରେ ଆଜି କରୋନାର ନୂଆ ଭାରିଆଣ୍ଟ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାକୁ ଦୃଷ୍ଟିରେ ରଖି  ସରକାରଙ୍କ ତତ୍ପରତା ଦେଖାଦେଇଛି। ଲୋକସେବା ଭବନରେ ଏହାକୁ ନେଇ ସ୍ୱାସ୍ଥ୍ୟ ବିଭାଗ ଓ ଅନ୍ୟ ଅଧିକାରୀଙ୍କୁ ନେଇ ଉଚ୍ଚସ୍ତରୀୟ ବୈଠକ କରାଯାଉଛି।
ଓଡିଶାରେ ୨ ଓମିକ୍ରନ ଆକ୍ରାନ୍ତ ନେଇ ଜନସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ନିରଞ୍ଜନ ମିଶ୍ରଙ୍କ ସୂଚନା ଅନୁଯାୟୀ, ଓଡିଶାକୁ ନଭେମ୍ବରରୁ ଏଯାଏଁ ୮୮୦୦ ବିଦେଶ ଫେରନ୍ତା ଆସିଛନ୍ତି। ସେମାନଙ୍କ ମଧ୍ୟରୁ ଭୂତାଣୁ ଅଧିକ ସଂକ୍ରମିତ ଥିବା ଦେଶରୁ ୧୬୦୦ ଲୋକ ଆସିଛନ୍ତି। ବିଦେଶ ଫେରନ୍ତାଙ୍କ ଆରଟିପିସିଆର ନମୁନାରୁ ୧୨ ପଜିଟିଭ ଚିହ୍ନଟ ହୋଇଥିଲେ। ୧୨ ପଜିଟିଭଙ୍କ ନମୁନା ଜିନମ୍ ସିକ୍ୱେନ୍ସିଂ ହୋଇଥିଲା, ସେମାନଙ୍କ ମଧ୍ୟରୁ ୨ ଜଣ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଥିଲେ। ୨ ଜଣଙ୍କ ମଧ୍ୟରୁ ଜଣେ ନାଇାଜେରିଆ ଓ ଅନ୍ୟ ଜଣେ କତାର ଫେରନ୍ତା। ଉଭୟ ଅଧିକ ସଂକ୍ରମିତ ନଥିବା ଦେଶରୁ ଆସିଥିଲେ। ଉଭୟଙ୍କ ମଧ୍ୟରୁ ଜଣଙ୍କର କିଛି ଲକ୍ଷଣ ନାହିଁ, ଅନ୍ୟ ଜଣଙ୍କର ଅଳ୍ପ କାଶ ହେଉଛି। ଉଭୟ ସଙ୍ଗରୋଧରେ ଅଛନ୍ତି ଓ ଭଲ ଅଛନ୍ତି। ଉଭୟଙ୍କ କଣ୍ଟାକ୍ଟ ଟ୍ରେସିଂ ସରିଛି। ଏହାସହ ୨୧ ଜଣ କଣ୍ଟାକ୍ଟ ଚିହ୍ନଟ ହୋଇଛନ୍ତି। ସମସ୍ତ ୨୧ ଜଣଙ୍କର ନମୁନା ପରୀକ୍ଷା କରାଯାଉଛି ବୋଲି ଜନସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି। ଓମିକ୍ରନ ଚିହ୍ନଟ ଆକ୍ରାନ୍ତ ଜଗତସିଂହପୁରର କଟକରେ ଚିକିତ୍ସାଧୀନ ହେଉଥିବା ବେଳେ ଓ ଅନ୍ୟ ଜଣେ ଖୋର୍ଦ୍ଧାର ବୋଲି ଜଣାପଡିଛି। ।