ଇସଲାମାବାଦ : ପାକିସ୍ତାନ ବୁଧବାର ୧୮ ଜଣ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରିଛି। ପାକିସ୍ତାନ ଜଳ ସୀମାରେ ପ୍ରବେଶ କରି ମାଛ ମାରୁଥିବା ବେଳେ ୧୮ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରାଯାଇଛି ଓ ୩ଟି ଡଙ୍ଗା ଜବତ କରାଯାଇଛି ବୋଲି ପାକିସ୍ତାନ ତଟରକ୍ଷୀ ବାହିନୀ (ପିଏମ୍ଏସ୍ଏ) ପକ୍ଷରୁ ସୂଚନା ପ୍ରଦାନ କରାଯାଇଛି । ଗିରଫ ସମସ୍ତ ମତ୍ସ୍ୟଜୀବୀ ଗୁଜରାଟ ଅଞ୍ଚଳର ବୋଲି ଜଣାପଡିଛି। ପ୍ରାଥମିକ ଯାଞ୍ଚ ପରେ ସମସ୍ତ ଭାରତୀୟ ମତ୍ସ୍ୟଜୀବୀଙ୍କୁ ପୁଲିସ୍କୁ ହସ୍ତାନ୍ତର କରାଯାଇଛି। ପୁଲିସ୍ ସେମାନଙ୍କ ବିରୋଧରେ ପାକିସ୍ତାନ ଜଳ ସୀମାରେ ଅବୈଧ ପ୍ରବେଶ ଅଭିଯୋଗରେ ମାମଲା ରୁଜୁ କରାଯିବ ବୋଲି କୁହାଯାଇଛି । ଗୁଜରାଟ ପୋରବନ୍ଦର ଏବଂ ଓଖା ତାଲୁକର ସମସ୍ତ ମତ୍ସଜୀବୀ ମଙ୍ଗଳବାର ଆରବସାଗରକୁ ମାଛ ମାରିବାକୁ ଯାଇଥିଲେ। ସେମାନେ ଅନ୍ତର୍ଜାତୀୟ ଜଳ ସୀମା ଅତିକ୍ରାନ୍ତ କରି ପାକିସ୍ତାନ ସୀମାରେ ପ୍ରବେଶ କରିଯାଇଥିଲେ।
Popular Categories
Previous article
Next article