ନୂଆଦିଲ୍ଲୀ: ପ୍ରାନ୍ଓ ଠାରୁ ରାଫେଲ୍ ଯୁଦ୍ଧବିମାନ ଓ ଋଷ ଠାରୁ ବିମାନ ପ୍ରତିରକ୍ଷା କ୍ଷେପଣାସ୍ତ୍ର ବ୍ୟବସ୍ଥା ସଂଗ୍ରହ ଦ୍ୱାରା ଭାରତୀୟ ବିମାନ ବାହିନୀର ଯୁଦ୍ଧ କ୍ଷମତା ବୃଦ୍ଧି ପାଇବ ବୋଲି ବିମାନ ବାହିନୀ ମୁଖ୍ୟ ଏୟାର ମାର୍ଶାଲ୍ ବି.ଏସ୍. ଧନୋଆ କହିଛନ୍ତି। ନୂଆଦିଲ୍ଲୀରେ ଏକ ଆଲୋଚନାଚକ୍ରରେ ଅଂଶଗ୍ରହଣ କରି ଶ୍ରୀ ଧନୋଆ କହିଛନ୍ତି, ଭାରତ ଏହାର ପ୍ରତିଦ୍ୱନ୍ଦ୍ୱୀମାନଙ୍କର କ୍ଷମତା ସହିତ ସମକକ୍ଷ ହୋଇଛି। ଭାରତପାଇଁ ଯେଭଳି ବିପଦ ରହିଛି ବିଶ୍ୱର କୌଣସି ଦେଶ ପ୍ରତି ଏଭଳି ବିପଦ ନାହିଁ ବୋଲି ସେ କହିଛନ୍ତି। ବିମାନ ବାହିନୀ ମୁଖ୍ୟ କହିଛନ୍ତି, ଭାରତର ପ୍ରତିଦ୍ୱନ୍ଦ୍ୱୀମାନଙ୍କର ମନୋଭାବ ଏବେ ରାତାରାତି ପରିବର୍ତ୍ତନ ହୋଇଯିବ ନାହିଁ ତେଣୁ ବିମାନ ବାହିନୀକୁ ସେମାନଙ୍କ କ୍ଷମତାର ସମକକ୍ଷ ହେବାକୁ ପଡ଼ିବ। ଭାରତର ପଡ଼ୋଶୀ ଦେଶମାନେ ହାତବାନ୍ଧି ବସି ନାହାନ୍ତି ଓ ଚୀନ୍ ଭଳି ଦେଶମାନେ ସେମାନଙ୍କ ବିମାନ ବାହିନୀର ଆଧୁନିକୀକରଣ କରିବାରେ ଲାଗିଛନ୍ତି। ସେ କହିଛନ୍ତି, ରାଫେଲ୍ ଓ ଏସ୍-୪୦୦ ଯୋଗାଇ ସରକାର ଭାରତୀୟ ବିମାନ ବାହିନୀକୁ ଶକ୍ତିଶାଳୀ କରୁଛନ୍ତି। କେବଳ ଦୁଇଟି ରାଫେଲ୍ ଜେଟ୍ ସ୍କ୍ୱାଡ୍ରନ୍ ସଂଗ୍ରହ ଯଥାର୍ଥ ବୋଲି ସେ ଦର୍ଶାଇଛନ୍ତି।
ରାଫେଲ୍ ଯୁଦ୍ଧ ବିମାନ ଦ୍ୱାରା ଭାରତୀୟ ବିମାନ ବାହିନୀର କ୍ଷମତା ବୃଦ୍ଧି ପାଇବ : ବି.ଏସ୍. ଧନୋଆ
Popular Categories
Previous article
Next article