ଗଞ୍ଜାମ: ଛୁଆଟି ଜନ୍ମରୁ ହିଁ ଅଜଣା ରୋଗରେ ପୀଡିତ। ବର୍ତ୍ତମାନ ପାଞ୍ଚ ବର୍ଷ ବିତି ଯାଇଛି କିନ୍ତୁ ସେ କିଛି କହି ପାରୁ ନାହିଁ କି ଚାଲି ବି ପାରୁନାହଁ। ଫଳରେ ଚିନ୍ତାରେ ବାପା, ମା ଭାଙ୍ଗି ପଡିଲେଣି । ପୁଅର ଚିକିତ୍ସା ପାଇଁ ନିଜସ୍ୱ ଉଦ୍ୟମରେ କଟକ ତଥା ଅନ୍ୟନ ସ୍ଥାନକୁ ନେଇ ଥିଲେ ମଧ୍ୟ କିଛ ସୁଫଳ ମିଳିନାହିଁ। ସ୍ୱଳ୍ପ ରୋଜଗାର ଦିନ ମଜୁରିଆ ଭାବରେ କାର୍ୟ୍ୟ କରୁଥିବା ବାପା କଣ କରିବେ।ଏବେ ତାଙ୍କ ପାଇଁ ଚିନ୍ତା ବିଷୟ ହୋଇଛି। ସରକାରଙ୍କ ପକ୍ଷରୁ ତାଙ୍କୁ ସାହାଯ୍ୟ ଯୋଗାଇବା ପାଇଁ ସେ ନିବେଦନ କରଛନ୍ତି। ଏଭଳି ଏକ ପରିସ୍ଥିତିରେ ଥିବା ବାପା, ମା ଙ୍କ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଧରାକୋଟ ବ୍ଲକର ବାହାରପୁର ପଞ୍ଚାୟତର ଜଗନ୍ନାଥପୁର ଶାସନ ଗାଁରେ । ଶିବରାମ ପ୍ରଧାନଙ୍କ ପାଞ୍ଚ ବର୍ଷର ପୁଅ ସାଇରାମ ପ୍ରଧାନ ବସିପାରୁନ, ଶୋଇ ପାରୁନି, ଚାଲିବି ପାରୁନି। ଅଜଣା ରୋଗରେ ପୀଡିତ ଅଛି ।
ଏହି ଖବର ପାଇ ଗଞ୍ଜାମର ଯୁବନେତା ତଥା ବିଜେଡିର ଯୁବ ସଭାପତି ସୁଧୀର ପାଢ଼ୀ, ଉକ୍ତ ଗ୍ରାମକୁ ଯାଇ ସେହି ପରିବାରକୁ ସାହାଯ୍ୟ ର ହାତ ବଢ଼େଇଛନ୍ତି। ବୁଧବାର ଶ୍ରୀ ପାଢ଼ୀ ଙ୍କ ସହ ଛାତ୍ର ବିଜେଡି ସଭାପତି ରାକେଶ ରଞ୍ଜନ ଦାସ, ମନୋଜ ପ୍ରଧାନ, ପପୁ ପଣ୍ଡା, ମନୋଜ ପଣ୍ଡା ପ୍ରମୁଖ ପହଞ୍ଚି ଉକ୍ତ ପରିବାରକୁ ଆର୍ଥିକ ସାହାଯ୍ୟ ସହ କିଛ ଖାଦ୍ୟ ସାମଗ୍ରୀ ମଧ୍ୟ ପ୍ରଦାନ କରଥିଲେ। ଯୁବକମାନଙ୍କ ଏଭଳି ସହଯୋଗକୁ ଗ୍ରାମ ବାସୀଙ୍କ ସମେତ ବିଭିନ୍ନ ମହଲରୁ ପ୍ରଶଂସା କରାଯାଇଛି।
