ରେଙ୍ଗାଲି: କତରବଗା ଥାନା ଲଇଡା ଫାଣ୍ଡି ଅନ୍ତର୍ଗତ ମହାପତ୍ରା ବସ୍ ଷ୍ଟାଣ୍ଡ ପଡାର ଟିକେଶ୍ବର ମିର୍ଦ୍ଧା (୩୦) ନାମକ ଜନୈକ ଗୁପଚୁପ୍ ବିକାଳି ନିକଟସ୍ଥ ଗ୍ରାମ ଜଙ୍ଗଳରେ ଏକ ମହୁଲ ଗଛ ଶାଖାରେ ବେକରେ ଦଉଡି ଲଗାଇ ଆତ୍ମହତ୍ୟା କରିଥିବାର ଦେଖିବାକୁ ମିଳିଛି। ଏସଂକ୍ରାନ୍ତରେ ପରିବାର ଲୋକେ ଅପରାହ୍ନରେ ଲଇଡା ଫାଣ୍ଡିକୁ ସୂଚନା ଦେଲା ପରେ ଫାଣ୍ଡି ଅଧିକାରୀ ରବିନ୍ଦ୍ର କୁମାର ପ୍ରଧାନ ସଦଳବଳେ ଘଟଣାସ୍ଥଳକୁ ପହଞ୍ଚି ମୃତ ଦେହକୁ ଉଦ୍ଧାର କରି ପଞ୍ଚନାମା କଲାପରେ ଶବ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଜାରି ରଖିଥିବାର ପ୍ରକାଶ। ଏସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି। ଆତ୍ମହତ୍ୟାର କାରଣ ଜଣା ପଡିନାହିଁ। ସୁଚିତ ଯେ ମୃତ ଟିକେଶ୍ବର ଗତ ରାତିରୁ ଘରୁ ନିଖୋଜ ଥିଲା। ପରିବାର ଲୋକେ ବହୁତ ଖୋଜାଖୋଜି କରି ଗ୍ରାମ ଜଙ୍ଗଲରେ ଏକ ମହୁଲ ଗଛରେ ଟିକେଶ୍ବରର ମୃତ ଦେହ ଝୁଲୁଥିବାର ଦେଖି ପୁଳିସକୁ ସୂଚନା ଦେଇ ଥିଲେ।
Popular Categories
Previous article
Next article