କଟକ: ରବିବାର ଜନ୍ମାଷ୍ଟମୀ ସକାଳେ କୁଆଖାଇ ନଦୀରେ ଏକ ଦୁଃଖଦ ଘଟଣା ଘଟିଛି । ନଦୀରେ ବୁଡି ଜଣେ ନାବାଳକଙ୍କ ଜୀବନ ଚାଲିଯାଇଛି । ନାବାଳକଟି ବାରଙ୍ଗ ଥାନା ଅନ୍ତର୍ଗତ ବେଲଗଛିଆ ଗ୍ରାମର ବୋଲି ଜଣାପଡିଛି । ଆଜି ସକାଳେ ନଦୀରେ ଗାଧୋଇବା ବେଳେ ଅସାବଧାନତା ବଶତଃ ନଦୀ ସୁଅରେ ସେ ଭାସି ଯାଇଥିଲେ । ସେଠାରେ ଗାଧାଉଥିବା ଅନ୍ୟ ଲୋକମାନେ ତାଙ୍କୁ ବଞ୍ଚାଇବାକୁ ଉଦ୍ୟମ କରିଥିଲେ ହେଁ ସଫଳ ହୋଇନଥିଲେ । ପରେ ଖବର ପାଇ ଘଟଣାସ୍ଥଳରେ ଅଗ୍ନିଶମ ବିଭାଗ କର୍ମଚାରୀ ଏବଂ ଓଡ୍ରାଫ ଦଳ ପହଞ୍ଚି ନାବାଳକଙ୍କ ମୃତଦେହ ନଦୀ ମଧ୍ୟରୁ ଉଦ୍ଧାର କରିଥିଲେ । ଉଦ୍ଧାର ପରେ ମୃତଦେହକୁ ଏସସିବି ମେଡିକାଲକୁ ପଠାଯାଇଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି।
Popular Categories
Previous article
Next article