କଣ୍ଟାମାଳ : ଅଗ୍ରଣୀ ଯୁବ ଅନୁଷ୍ଠାନ ଏବଂ ଆମେ ସାଂସ୍କୃତିକ ପରିଷଦ ତରଫରୁ ଗତକାଲି ଆଜାଦି କା ଅମୃତ ମହୋତ୍ସବ ଅନୁଷ୍ଠିତ ହୋଇ ଯାଇଛି । ଏହି ଅବସରରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ଦେଶାତ୍ମକବୋଧକ ପ୍ରବନ୍ଧ ଲିଖନ ଓ ଚିତ୍ରାଙ୍କନ ପ୍ରତିଯୋଗୀତା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ମୋଟ ୩୨ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ସ୍ୱାଧୀନତା ଦିବସ ଅବଅସରରେ ସ୍ୱଳ୍ପ ସଂଖ୍ୟକ ଅଂଶ ଗ୍ରହଣକାରୀ ମାନଙ୍କୁ ନେଇ ଏକ ସଭା ସାମ୍ବାଦିକ ଭବନରେ ଅନୁଷ୍ଠିତ ହୋଇଥିଲା । ଏହି ସଭାରେ ସମାଜସେବୀ ଦିବ୍ୟଶଙ୍କର ରାଉତ, ଏବଂ ଆମେର ସଭାପତି ପୂର୍ଣ୍ଣଚନ୍ଦ୍ର ଖଟୁଆ, କବ୍ଚାର ସଂପାଦକ ପୂର୍ଣ୍ଣଚନ୍ଦ୍ର ସାହୁ, ରଞ୍ଜନକୁମାର ପାତ୍ର ପ୍ରମୁଖ ଉପସ୍ଥିତ ହୋଇ ଭାରତ ଭଳି ରାଷ୍ଟ୍ରରେ ଆମେ ଜନ୍ମ ନେଇ ଗର୍ବିତ । କଷ୍ଟ ସାଧ୍ୟ ସ୍ୱାଧୀନତା ଆମ ଭାରତୀୟଙ୍କ ଅହିଂସା ମାର୍ଗର ଏକ ଭିନ୍ନ ପରିଚୟ ବୋଲି ମାର୍ଗ ଦର୍ଶନ କରାଇବା ସହ ଆଜାଦି କା ଅମୃତ ମହୋତ୍ସବ ସେହି ଯୋଗଜନ୍ମା ସ୍ୱାଧୀନତା ସଂଗ୍ରମୀ ମାନଙ୍କୁ ସମର୍ପୀତ କରି ଏଭଳି ମହୋତ୍ସବ ସମଗ୍ର ଭାରତୀୟଙ୍କୁ ଆଜି ଗର୍ବୀତ କରିଛି ବୋଲି କହିଥିଲେ । ବିଭିନ୍ନ ପ୍ରତିଯୋଗୀତାର କୃତି ପ୍ରତିଯୋଗୀ ପ୍ରବନ୍ଧ ଲିଖନରେ ରାଜୁ ରଣା, କ୍ରିଷ୍ଣା କହଁର, ମନୋରଞ୍ଜନ ସାହୁ ଚିତ୍ରାଙ୍କନରେ ପ୍ରଜ୍ଞାରାଣୀ ସାହୁ, ପ୍ରତ୍ୟାଶା ମିଶ୍ର, ଶ୍ରୀୟା ପ୍ରିୟଦର୍ଶନୀ ପାତ୍ରଙ୍କୁ ପରିଷଦ ପକ୍ଷରୁ ଟ୍ରଫି, ପୁରସ୍କାର ସହ ପ୍ରମାଣ ପତ୍ର ପ୍ରଦାନ କରାଯାଇ ଥିଲା । ସମସ୍ତ କାର୍ଯ୍ୟକ୍ରମକୁ ପରିଷଦର ସଂପାଦକ ରାଜକିଶୋର ବାଘ, ସୁଦାମ ମିଶ୍ର, ବାପୁନ ନାଏକ, ମୁନା ପୁଟେଲ, ସାନନ୍ଦ ମହାକୁଡ ପରିଚାଳନାରେ ସହଯୋଗ କରିଥିଲେ ।
Popular Categories
Previous article
Next article