କଣ୍ଟାମାଳ: ବୌଦ୍ଧ ଶିକ୍ଷା ଜିଲ୍ଲା କଣ୍ଟାମାଳବ୍ଲକ ଅନ୍ତର୍ଗତ ଆଦିବାସୀ ହାଇ ସ୍କୁଲ, ନୂଆପାଲି ମୋ ସ୍କୁଲ ଅଭିଯାନ ପକ୍ଷରୁ ବୃକ୍ଷରୋପଣ କାର୍ଯ୍ୟକ୍ରମ ସହ ଅନ୍ୟାନ୍ୟ କାର୍ଯ୍ୟକ୍ରମ ଆଜି ଅନୁଷ୍ଠିତ ହୋଇ ଯାଇଛି। ବିଦ୍ୟାଳୟ ପରିସରରେ ନବନିର୍ମିତ ନୂତନ କୋଠାର ଶୁଭ ଉଦଘାଟନ ସହ ବିଦ୍ୟାଳୟ ସମ୍ମୁଖରେ ଏକ ଗ୍ରାମୀଣ ପାର୍କର ଭିତ୍ତି ପ୍ରସ୍ତର ସ୍ଥାପନ ମୂଖ୍ୟ ଅତିଥି କଣ୍ଟାମାଳ ବିଧାୟକ ମହୀଧର ରଣା, ସମ୍ମାନୀତ ଅତିଥି ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ରଙ୍କ ଦ୍ୱାରା ସମ୍ପାଦିତ ହୋଇଛି। କୋଭିଡ କଟକଣା ହେତୁ ସୀମିତ ମୋ ସ୍କୁଲ ଅଭିଯାନର ସଦସ୍ୟ, ଅତିଥିଙ୍କୁ ନେଇ ବିଦ୍ୟାଳୟ ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା। ବିଦ୍ୟାଳୟ ପରିସରର ବୃକ୍ଷ ରୋପଣ କରି ବିଦ୍ୟାଳୟର ସୌନ୍ଦର୍ଯ୍ୟ, ସବୁଜ ବନାନୀ ଦେଖି ଅତିଥିମାନେ ଖୁସି ବ୍ୟକ୍ତ କରିଥିଲେ।
ସେହିପରି ମୋ ସ୍କୁଲ ଅଭିଯାନର କାର୍ଯ୍ୟକ୍ରମକୁ ତାରିଫ କରିଥିଲେ। ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପିଡିଡିଆରଡିଏ ବବିତାରାଣୀ ଦଳବେହେରା, ଉପ ଜିଲ୍ଲାପାଳ ଅଶ୍ୱିନୀକୁମାର ମେହେର, ଜିଲ୍ଲା ଶିକ୍ଷା ଅଧିକାରୀ ଗେନ୍ଦରା କୁଜ୍ଜୁରୁ, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଘନଶ୍ୟାମ ମେହେର, କଣ୍ଟାମାଳ ବିଡିଓ ବନ୍ଦନା ଖଟୁଆ, ବିଦ୍ୟାଳୟର ଉପଦେଷ୍ଟା ଦିବ୍ୟଶଙ୍କର ରାଉତ, ମୋସ୍କୁଲ ଅଭିଯାନର ସଭାପତି ପ୍ରେମରାଜ ରଣା, ସରପଞ୍ଚ ପଦ୍ମାବତୀ ରଣା, ସମିତି ସଭ୍ୟା ବିଳାଶ କ୍ଷେତି ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ବିଦ୍ୟାଳୟ ପ୍ରଧାନ ଶିକ୍ଷକ ଅନନ୍ତ ଚରଣ କ୍ଷେତି ଓ ଶିକ୍ଷକମାନେ ପରିଚାଳନା କରିଥିଲେ।
