ଆଖଣ୍ଡଳମଣିଙ୍କ ଗର୍ଭଗୃହରେ ପଶିଲା ବର୍ଷାପାଣି

ଆରଡି: ଲଘୁଚାପ ପ୍ରଭାବରେ ଆରଡି ଓ ଆଖପାଖ ଅଞ୍ଚଳରେ ଗତକାଲି ବିଳମ୍ବିତ ରାତିଠାରୁ ଶୁକ୍ରବାର ପର୍ଯ୍ୟନ୍ତ ବର୍ଷା ଲାଗି ରହିବା ଫଳରେ ଆରଡି ପୀଠର ବାବା ଆଖଣ୍ଡଳମଣିଙ୍କ ଗର୍ଭଗୃହକୁ ଅମୃତକୁଣ୍ଡ/ପାଦୁକ କୁଣ୍ଡ ଦେଇ ବର୍ଷାପାଣି ପ୍ରବେଶ କରିଛି। ଫଳରେ ମଣିବାବାଙ୍କ ବିଗ୍ରହ ଅର୍ଦ୍ଧାଧିକ ବୁଡିଯିବାରୁ ଆଜି ଭୋର ମଙ୍ଗଳ ଆଳତୀ ଓ ଘର୍ଷଣଲାଗି ନୀତିରେ ବିଳମ୍ବ ଘଟିଛି। ଏପରିକି ବର୍ଷାପାଣିରେ ପଶି ସେବାୟତମାନେ ମଣିବାବାଙ୍କର ପୂଜାର୍ଚ୍ଚନା ଜାରୀ ରଖିଛନ୍ତି। ଏବେ ଗର୍ଭଗୃହରୁ କିପରି ବର୍ଷାପାଣି ନିଷ୍କାସିତ ହେବ ସେଥିପାଇଁ ପ୍ରଶାସନ ପକ୍ଷରୁ ମଟର ଚାଳିତ ପମ୍ପ ପ୍ରସ୍ତୁତ କରାଯାଇ ଜଳ ନିଷ୍କାସନ କରାଯାଉଛି।