ରେଙ୍ଗାଲିକ୍ୟାମ୍ପ : ଅତାବିରା ବ୍ଲକ ପତ୍ରାପାଲି ଛକରେ ବହୁ ଦିନରୁ ମଦ, ଗଞ୍ଜେଇ ଆଦି ନିଶା ଦ୍ରବ୍ୟ କ୍ରୟ ବିକ୍ରୟର କାରବାର ଚାଲିଆସୁଥିଲା । କରୋନା କଟକଣା ସମୟରେ ଲୋକଙ୍କୁ ଘରେ ସୁରକ୍ଷିତ ରହିବା ପାଇଁ, କୌଣସି ସ୍ଥାନରେ ଭିଡ଼ ନ କରିବା ପାଇଁ ବାରମ୍ବାର ସଚେତନ କରାଯାଉଛି ସରକାରୀ ତଥା ବ୍ୟକ୍ତିଗତ ସ୍ତରରେ। କିନ୍ତୁ ଏହି ଛକରେ ମଦ, ଗଞ୍ଜେଇ ଆଦି ନିଶା ଦ୍ରବ୍ୟ ବିକ୍ରି ହେଇ ପ୍ରାୟ ଲୋକଙ୍କ ଭିଡ଼ ଜମି ରହୁଥିଲା। ଅନ୍ୟ ପକ୍ଷରେ ଏହି ଏହି ନିଶା ଦ୍ରବ୍ୟର ସେବନ କରି ଅଞ୍ଚଳର ନାବାଳକମାନେ ବି ନିଶା ସକ୍ତ ହୋଇଗଲେଣି। ସେହି ଯୁବକମାନଙ୍କ ଭବିଷ୍ୟତ ଧୀରେ ଧୀରେ ନଷ୍ଟ ହେବାକୁ ବସିଲାଣି। ନିଶା ପାଇଁ ଚୋରି ଡକାୟତି କରିବାକୁ ମଧ୍ୟ ସେମାନେ ପଛାଉନାହାନ୍ତି। ପାଖରେ ରହିଛି ପତ୍ରାପାଳି ହାଇସ୍କୁଲ। ତେବେ ଛତ୍ର ଛାତ୍ରୀ ମାନଙ୍କ ଉପରେ ମଧ୍ୟ ଏହାର ବେଶ୍ ପ୍ରଭାବ ପଡୁଥିଲା । କିନ୍ତୁ ଆଜି ଯାଏ ପୋଲିସ କିଛି ପଦକ୍ଷେପ ନେଇ ନଥିଲା। କୌଣସି ସୂତ୍ରରୁ ଖବର ପାଇ ଥାନା ଅଧିକାରୀ ଦିଲିପ୍ ବେହେରାଙ୍କ ନିର୍ଦ୍ଦେଶକ୍ରମେ ଏଏସଆଇ ତ୍ରିଲୋଚନ ଦାଶ ସଦଳବଳେ ଅତର୍କିତ ଭାବରେ ଚଢାଉ କରିବା ଫଳରେ ବିପୁଳ ପରିମାଣର ମଦ ଜବତ କରି ଜଣକୁ ଗିରଫ କରିଥିବା ଜଣାପଡିଛି। ଗିରଫ ହୋଇଥିବା ବ୍ୟକ୍ତି ଉକ୍ତ ଗ୍ରାମର ଧନେଶ୍ଵର ବଢ଼େଇଙ୍କର ପୁଅ କିଶୋର ବଢେଇ (୨୫) । ଏ ନେଇ ପୋଲିସ ୫୨(ଏ) ସେକ୍ସନ ଅଧୀନରେ କେସ ନମ୍ବର ୧୫୨/୧୧,୬,୨୧ ରେ ଥାନାରେ ଏକ କେସ ରୁଜୁ କରିଛି। ଅଭିଯୁକ୍ତ ମଦ ସହ ଗଞ୍ଜେଇ ଆଦି ଅନ୍ୟାନ୍ୟ ନିଶା ଦ୍ରବ୍ୟ ବିକ୍ରି କରୁଥିବା ନେଇ ଅଞ୍ଚଳରେ ଚର୍ଚ୍ଚା ହେଉଛି। ତେଣୁ ପୋଲିସ ଅଧିକ ତଦନ୍ତ କଲେ ଅନ୍ୟ ସବୁ ନିଶା ଦ୍ରବ୍ୟ ମଧ୍ୟ ଜବତ କରିପାରିବ ବୋଲି ଶୁଣିବାକୁ ମିଳୁଛି ।
Popular Categories
Previous article
Next article