ଭୁବନେଶ୍ୱର: କ୍ରମାଗତ ଭାବରେ ଗତ ପ୍ରାୟ ତିନିଦିନ ଧରି ରାଜ୍ୟରେ ଦୈନିକ କୋଭିଡ ସଂକ୍ରମଣ ହାର ହ୍ରାସ ପାଉଥିବାବେଳେ ଗତ ୨୪ ଘଣ୍ଟା ମଧ୍ୟରେ ତାହା ପୁଣି ବୃଦ୍ଧିପାଇଛି। ଗୋଟିଏ ଦିନରେ ରାଜ୍ୟରୁ ୬୦୧୯ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ଖୋର୍ଦ୍ଧା ଜିଲାରେ ସର୍ବାଧିକ ୭୯୬ ଜଣ ରହିଛନ୍ତି। ନୂଆକରି ଚିହ୍ନଟ ସଂକ୍ରମିତଙ୍କ ମଧ୍ୟରୁ ସଂଗରୋଧରୁ ୩୩୯୭ ଏବଂ ସ୍ଥାନୀୟ ସଂକ୍ରମିତ ୨୬୨୨ ଜଣ ରହିଛନ୍ତି।
ରାଜ୍ୟରେ ଚିହ୍ନଟ ନୂଆ ସଂକ୍ରମିତଙ୍କ ମଧ୍ୟରୁ ଅନୁଗୁଳ ଜିଲାରୁ ୩୩୫, ବାଲେଶ୍ୱର ୨୮୬, ବରଗଡ ୧୨୨, ଭଦ୍ରକ ୨୬୨, ବଲାଙ୍ଗୀର ୬୬, ବଉଦ ୭୯, କଟକ ୫୩୧, ଦେବଗଡ ୨୪, ଢେଙ୍କାନାଳ ୨୯୧ ଏବଂ ଗଜପତି ଜିଲାରୁ ୩୪ ଜଣ ଚିହ୍ନଟ ହୋଇଛନ୍ତି। ସେହିଭଳି ଗଞ୍ଜାମରୁ ୭୩, ଜଗତସିଂହପୁର ୧୯୬, ଯାଜପୁର ୪୦୬, ଝାରସୁଗୁଡା ୪୧, କଳାହାଣ୍ଡି ୭୦, କନ୍ଧମାଳ ୭୬, କେନ୍ଦ୍ରାପଡା ୨୧୮, କେନ୍ଦୁଝର ୧୨୦, କୋରାପୁଟ ୧୪୨ ଏବଂ ମାଲକାନଗିରିରୁ ୮୫ ଜଣଙ୍କୁ ଚିହ୍ନଟ କରାଯାଇଛି। ଗତ ୨୪ ଘଣ୍ଟା ମଧ୍ୟରେ ମୟୁରଭଞ୍ଜ ଜିଲାରୁ ୩୩୩, ନବରଙ୍ଗପୁର ୧୫୧, ନୟାଗଡ ୧୯୧, ନୂଆପଡା ୨୩, ପୁରୀ ୩୨୪, ରାୟଗଡା ୧୦୮, ସମ୍ବଲପୁର ୧୩୧, ସୋନପୁର ୬୫, ସୁନ୍ଦରଗଡ ୨୮୩ ଏବଂ ଷ୍ଟେଟପୁଲରୁ ୧୫୭ ଜଣ ଚିହ୍ନଟ ହୋଇଛନ୍ତି। ରାଜ୍ୟରେ କୋଭିଡ ସଂକ୍ରମଣରୁ ମୋଟ ୭୫୬୬୪୧ ଜଣ ସୁସ୍ଥ ହୋଇସାରିଥିବାବେଳେ ଏବେ ୭୧୩୧୨ ଜଣ ସକ୍ରିୟ ସଂକ୍ରମିତ ରହିଛନ୍ତି।
