ପାଟଣା,: ଢେଙ୍କିକୋଟ ଡାକ୍ତରଖାନାକୁ ଜଣେ ସ୍ଥାୟୀ ଡାକ୍ତର, ଜଣେ ସେବିକା ଓ ଗୋଟିଏ ରୋଗୀବୁହା ଯାନ ଦିଆଯିବାକୁ ଢେଙ୍କିକୋଟ ଅଞ୍ଚଳବାସୀଙ୍କ ପକ୍ଷରୁ ଜିଲ୍ଲାପାଳଙ୍କୁ ନିବେଦନ କରାଯାଇଛି । ଏହା ସପ୍ତାହକ ମଧ୍ୟରେ ପୁରଣ କରା ନ ଗଲେ ଡାକ୍ତରଖାନା ଆଗରେ ଧରାଣା ଦିଆଯିବ ବୋଲି ଢେଙ୍କିକୋଟ ବଣିକ ସଂଘ ସଭାପତି ରାଜକିଶୋର ସାହୁ ଗଣମାଧ୍ୟମକୁ ସୂଚନା ଦେଇଛନ୍ତି । ଆଜି ଢେଙ୍କିକୋଟ ବଣିକ ସଂଘ ପକ୍ଷରୁ ଡାକ୍ତରଖାନାରେ ସଫେଇ କରାଯିବା ସହ ପ୍ରତୀକ ଧାରଣା ଦେଇ ଜିଲ୍ଲାପାଳ ଓ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଓ ଘଷିପୁରା ବିଧାୟକ ଙ୍କୁ ଦରଖାସ୍ତ ପଠାଇ ଢେଙ୍କିକୋଟ ଡାକ୍ତରଖାନାରେ ଡାକ୍ତର, ସେବିକା ଓ ରୋଗୀ ଯାନ ପାଇଁ ସ୍ୱର ଉଠାଇଛନ୍ତି । ବଣିକ ସଂଘର ସଭାପତି ରାଜକିଶୋର ସାହୁ ସମ୍ପାଦକ ଲଲାଟେନ୍ଦୁ ସାହୁ, ସମାଜସେବୀ କୁଳମଣୀ ମଣ୍ଡଳ, ରାମଚନ୍ଦ୍ର ସାହୁ, ଯୁବ ବିଜେଡି ଜିଲ୍ଲା ଉପ ସଭାପତି ଏସ କେ ଇମରାନ, ଛାତ୍ର ବିଜେଡିର ଆଶିଷ ମଣ୍ଡଳ, ମହମ୍ମଦ ରଫିକ, ଏସ କେ ଜାବେର, ରବି ମହାପାତ୍ର , ସାମାଜିକ କର୍ମୀ କୃଷ୍ଣଚନ୍ଦ୍ର ବାରିକଙ୍କ ସହ ସରପଞ୍ଚ ଗୌରୀ ବାରିକ ଓ ପୂର୍ବତନ ସରପଞ୍ଚ ଅଲେଖ ସିଂହ ପ୍ରତୀକ ଧାରଣାରେ ସାମିଲ ଥିଲେ ।
Comments are closed.