ତେଲକୋଇ: ଜଙ୍ଗଲକୁ ଟୁଲ ଗୋଟାଇବାକୁ ଯାଇଥିବା ବେଳେ ଦନ୍ତା ହାବୁଡ଼ରେ ପଡିଲେ ମହିଳା। ଘଟଣା ଘଟିିଛି ତେଲକୋଇ ବନାଞ୍ଚଳ ଅଧିନ ରାଇସୁଆଁ ପଞ୍ଚାୟତ ତାଳଦମକା ଜଙ୍ଗଲରେ। ଗୁରୁତର ମହିଳା ଜଣକ ହେଲେ ରାଇସୁଆଁ ଗ୍ରାମର ପାଣ୍ଡବ ମହାନ୍ତଙ୍କ ସ୍ତ୍ରୀ ପୂର୍ଣ୍ଣିମା ମହାନ୍ତ(୪୩)। ସୂଚନା ଅନୁଯାୟୀ ବୁଧବାର ଦ୍ବିପ୍ରହର ସମୟରେ ସ୍ବାମୀ ସ୍ତ୍ରୀ ଟୁଲ ଗୋଟାଇବାକୁ ମାର୍ଦ୍ଦା ଗ୍ରାମର ମହ୍ଲାରବେଡା ତାଳଦମକା ଜଙ୍ଗଲକୁ ଯାଇଥିଲେ। ସେଠାରେ ସେମାନେ ଏକ ଦନ୍ତା ହାତୀ ସହ ମୁହାଁମୁହିଁ ହୋଇଯିବାରୁ ହାତୀ ପୂର୍ଣ୍ଣିମାଙ୍କୁ ଶୁଣ୍ଢରେ ଧରି ଫିଙ୍ଗି ଦେଇଥିଲା।
ପୂର୍ଣ୍ଣିମା ବୁଦା ମୂଳରେ ଥିବା ଖାଲ ଜାଗାରେ ପଡିଯାଇଥିଲେ। ହାତୀ ପୂର୍ଣ୍ଣିମାଙ୍କୁ ଦେଖି ନପାରି ବହୁତ ଖୋଜା ଖୋଜି ପରେ ନପାଇ ସେ ସ୍ଥାନକୁ ମାଡି ଦଳି ସେ ଜାଗାରେ ଜଗି ରହିଥିଲା। ମହିଳାଙ୍କୁ ତାଙ୍କ ସ୍ବାମୀ ଗ୍ରାମବାସୀଙ୍କ ସହାୟତାରେ ଉଦ୍ଧାର କରି ପ୍ରଥମେ ରାଇସୁଆଁ ପ୍ରାଥମିକ ସ୍ବାସ୍ଥ୍ଯକେନ୍ଦ୍ରରେ ପ୍ରାଥମିକ ଚିକିତ୍ସା କରାଇବା ପରେ ଅବସ୍ଥା ଗୁରୁତର ଥିବାରୁ ତାଙ୍କୁ ତେଲକୋଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି।
