ନୂଆଦିଲ୍ଲୀ: କୋଭିଡ-୧୯ର ଦ୍ୱିତୀୟ ଲହର ଜନିତ ଦେଶବ୍ୟାପୀ ତାଲାବନ୍ଦ ପରିସ୍ଥିତିରେ ପେଟ୍ରୋଲ, ଡିଜେଲ ଚାହିଦା ଆଶାତୀତ ଭାବେ ହ୍ରାସପାଇଛି। ତାହାକୁ ଦୃଷ୍ଟିରେ ରଖି ଇଣ୍ଡିଆନ ଅଏଲ ଅଶୋଧିତ ପେଟ୍ରୋଲିୟମ ବିଶୋଧନ ପରିମାଣ ୮୪%କୁ ହ୍ରାସ କରିଛି। ଚଳିତ ମାସ ପ୍ରଥମ ଭାଗରେ ଦେଶରେ ରାଷ୍ଟ୍ରାୟତ୍ତ ବିଶୋଧନାଗାରଗୁଡିକ ପକ୍ଷରୁ ଡିଜେଲ ଓ ପେଟ୍ରୋଲ ବିକ୍ରି ଏକ ପଞ୍ଚମାଂଶ ହ୍ରାସ ପାଇଥିବା ସରକାରୀ ସୂତ୍ରରୁ କୁହାଯାଇଛି।
ଇଣ୍ଡିଆନ ଅଏଲ ଏପ୍ରିଲ ମାସରେ ୯୬% ବିଶୋଧନ କାର୍ଯ୍ୟ କରୁଥିବାବେଳେ ସଂପ୍ରତି ତାହା ହାରାହାରି ୮୪%କୁ ହ୍ରାସ କରିଥିବା ଦେଶର ଏହି ସର୍ବବୃହତ ବିଶୋଧନକାରୀ କମ୍ପାନୀର ଅଧ୍ୟକ୍ଷ ଏସ ଏମ ବୈଦ୍ୟ କହିଛନ୍ତି। ସେ କହିଛନ୍ତି ଯେ ଦେଶରେ ପେଟ୍ରୋଲିୟମ ଚାହିଦା କେବେ ସ୍ୱାଭାବିକ ସ୍ଥିତିକୁ ଫେରିବ, ତାହା କହିବା କଷ୍ଟକର। ଇଣ୍ଡିଆନ ଅଏଲ ତାହାର ସହଯୋଗୀ କମ୍ପାନୀ ଚେନ୍ନଇ ପେଟ୍ରୋଲିୟମ ସହିତ ମିଶି ଦୈନିକ ପ୍ରାୟ ୧.୬୫ ନିୟୁତ ବ୍ୟାରେଲ ଅଶୋଧିତ ପେଟ୍ରୋଲିୟମ ବିଶୋଧନ କରିଥାଏ।
ତୈଳ ବିଶୋଧନ ୮୪%କୁ ହ୍ରାସକଲା ଇଣ୍ଡିଆନ ଅଏଲ
Popular Categories
Previous article
Next article