ବିଶ୍ୱଭୂଷଣ ହରିଚନ୍ଦନ ପାଇବେ ‘କଳିଙ୍ଗରତ୍ନ’ ସମ୍ମାନ ଆମ ଓଡ଼ିଶାନିଉଜ ଆଲର୍ଟବଡ଼ ଖବର By Samajalive Desk On Mar 28, 2021 Share କଟକ: ଆନ୍ଧ୍ରପ୍ରଦେଶ ରାଜ୍ୟପାଳ ତଥା ବିଶିଷ୍ଟ ସାହିତ୍ୟିକ ବିଶ୍ୱଭୂଷଣ ହରିଚନ୍ଦନଙ୍କୁ ଚଳିତ ବର୍ଷର ମର୍ୟ୍ୟାଦାଜନକ ‘କଳିଙ୍ଗରତ୍ନ’ ସମ୍ମାନ ପ୍ରଦାନ ପାଇଁ ମନୋନୀତ କରାଯାଇଛି। ଆଗାମୀ ଏପ୍ରିଲ ୨ ତାରିଖ ଅପରାହ୍ଣ ୫ଟାରେ ସାରଳା ଭବନଠାରେ ହେବାକୁ ଥିବା ସାରଳା ସାହିତ୍ୟ ସଂସଦର ୪୦ତମ ବାର୍ଷିକ ଉତ୍ସବରେ ଭାରତର ଉପରାଷ୍ଟ୍ରପତି ଏମ୍. ଭେଙ୍କିଆ ନାଇଡ଼ୁ ଶ୍ରୀ ହରିଚନ୍ଦନଙ୍କୁ ଏହି ସମ୍ମାନ ପ୍ରଦାନ କରିବେ। ତାଙ୍କୁ ରୌପ୍ୟନିର୍ମିତ ସରସ୍ୱତୀ ମୂର୍ତ୍ତି, ତାମ୍ରଫଳକ ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯିବ। ଏନେଇ ସଂସଦର ପ୍ରତିଷ୍ଠାତା ଓ ସଭାପତି ଡ. ଇଂ ପ୍ରଭାକର ସ୍ୱାଇଁ ପ୍ରେସ୍ ଇସ୍ତାହାରରେ ଜଣାଇଛନ୍ତି। Related Posts ମୋବାଇଲ ଛିନତାଇ ଘଟଣାରେ ୩ ଗିରଫ, ୫ ମୋବାଇଲ… May 1, 2024 ଅଧ୍ୟାପକଙ୍କ ବଦଳି ପ୍ରତିବାଦରେ ଓଡ଼ିଆ… May 1, 2024 ଶ୍ରୀ ହରିଚନ୍ଦନ ଜଣେ ଦକ୍ଷ ପ୍ରଶାସକ ଓ ପ୍ରବୀଣ ରାଜନେତା। ସେ ଓଡ଼ିଶା ବିଧାନସଭାରେ ୫ ଥର ବିଧାୟକ ଏବଂ ବହୁବାର ଗୁରୁତ୍ୱପୂର୍ଣ୍ଣ କ୍ୟାବିନେଟ ମନ୍ତ୍ରୀ ଭାବେ ନିଜର କାର୍ୟ୍ୟଦକ୍ଷତା ପ୍ରତିପାଦନ କରିଛନ୍ତି। ତାଙ୍କ ସାରସ୍ୱତ କୃତିଗୁଡ଼ିକ ମଧ୍ୟରେ ମାତୃଭାଷା, ଶେଷ ଝଲକ, ରାଣାପ୍ରତାପ, ଅସ୍ତଶିଖା, ମାନସୀ, ସଂଗ୍ରାମ ସରିନାହିଁ ଆଦି ଉଲ୍ଲେଖନୀୟ। ୧୯୩୪ ମସିହା ଅଗଷ୍ଟ ୩ ତାରିଖରେ ଅବିଭକ୍ତ ପୁରୀ ଜିଲା ବାଣପୁର ଥାନା ଅନ୍ତର୍ଗତ ଗୋଡ଼ିଝର ଗ୍ରାମରେ ତାଙ୍କର ଜନ୍ମ। ସୂଚନାଯୋଗ୍ୟ ଯେ, ଜାତୀୟ ସ୍ତରରେ ଯେକୌଣସି କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ଜଣେ ଓଡ଼ିଆଙ୍କୁ ସାରଳା ସାହିତ୍ୟ ସଂସଦ ପକ୍ଷରୁ ‘କଳିଙ୍ଗ ରତ୍ନ’ ସମ୍ମାନ ପ୍ରଦାନ କରାଯାଇଥାଏ। Share FacebookTwitterWhatsApp
Comments are closed.