ପାଟଣା : ମୟୁରଭଞ୍ଜ ଜିଲ୍ଲା ଯଶିପୁର ଅଞ୍ଚଳର ଜଣେ ୧୪ ବର୍ଷିୟା ଆଦିବାସୀ ନାବାଳିକା ଗତ ରବିବାର କେନ୍ଦୁଝର ଟାଉନ ଥାନା ଅନ୍ତର୍ଗତ ଶିରିପୁର ଗ୍ରାମର ପୀଉସୀ ପାର୍ବତୀ ସୋରେନଙ୍କ ଘରକୁ ବୁଲି ଆସିଥିବା ବେଳେ ଆଜି କୈାଣସି କାରଣରୁ ପୀଉସୀ ସଂପୃକ୍ତା ନାବାଳିକାକୁ ଗାଳିଗୁଲଜ କରିଥିଲେ । ପୀଉସୀଙ୍କ ଠାରୁ ଗାଳି ଶୁଣିବା ପରେ ନାବାଳିକା ଜଣଙ୍କ ପୀଉସୀ ଘର ଛାଡ଼ି କେନ୍ଦୁଝରରୁ ଶୁକୃଳି ଯାଉଥିବା ଅନନ୍ତ କେଶରୀ ବସରେ ନିଜ ଗାଁକୁ ଫେରିଯିବା ପାଇଁ ବାହାରିଥିଲେ । ତେବେ ବସଟି କେନ୍ଦୁଝର ଛାଡ଼ିବା ପରେ କଣ୍ଡକ୍ଟର ନାବାଳିକା ଜଣଙ୍କୁ ବସ୍ ଭଡା ମାଗିବାରୁ ସେ ମାତ୍ର ୧୦ ଟଙ୍କା ଦେଇଥିଲେ । ବସରେ ପାଖରେ ବସିଥିବା ତୁରୁମୁଙ୍ଗା ଦଧିବାମନ ହାଇସ୍କୁଲର ଶିକ୍ଷୟିତ୍ରୀ ପୁଷ୍ପଲତା ପଣ୍ଡା ସଂପୃକ୍ତା ନାବାଳିକାକୁ ଘଟଣା ସମ୍ପର୍କରେ ପଚାରି ସବିଶେଷ ଜାଣିବା ପରେ ଏବେ ରାତି ହୋଇ ଯାଇଥିବାରୁ ସୁରକ୍ଷା ଚିନ୍ତା କରି ନାବାଳିକାକୁ ନିଜ ସାଥିରେ ନେଇ ତୁରୁମୁଙ୍ଗାରେ ଓହ୍ଲାଇଥିଲେ । ଭୋକରେ ଥିବା ନାବାଳିକାକୁ ଶିକ୍ଷୟିତ୍ରୀ ଜଣଙ୍କ ଖୁଆଇବା ପରେ ତାକୁ ତୁରୁମୁଙ୍ଗା ପୋଲିସର ଜିମା ଦେଇଥିଲେ । ତୁରୁମୁଙ୍ଗା ପୋଲିସ ପକ୍ଷରୁ କେନ୍ଦୁଝର ଚାଇଲ୍ଡ ଲାଇନ ପ୍ରତିନିଧିଙ୍କୁ ଡକାଯାଇ ଏହି ନାବାଳିକାକୁ ହସ୍ତାନ୍ତର କରାଯାଇଛି ।
Popular Categories
Previous article
Next article