କୁକୁରକୁ ସବୁବେଳେ ବିଶ୍ବସ୍ତ ଜୀବ ବୋଲି କୁହାଯାଏ । କୁକୁର ବିଶ୍ୱସ୍ତତାର ଏମିତି ଏକ ଅନନ୍ୟ ମାମଲା ସାମ୍ନାକୁ ଆସିଛି, ଯାହା ଆପଣଙ୍କୁ ମଧ୍ୟ ଭାବପ୍ରବଣ କରିଦେବ | ଜଣେ ବ୍ୟକ୍ତି ଡ଼ାକ୍ତରଖାନାକୁ ଚିକିତ୍ସା ନିମନ୍ତେ ଆସିଥିବାବେଳେ ତାଙ୍କ ବିଶ୍ୱସ୍ତ କୁକୁର ତୁର୍କୀ ଡାକ୍ତରଖାନା ବାହାରେ ନିଜ ମାଲିକଙ୍କୁ ପ୍ରାୟ ଏକ ସପ୍ତାହ ଅପେକ୍ଷା କରିଥିଲା ଯେପର୍ଯ୍ୟନ୍ତ ମସ୍ତିଷ୍କ ଅସ୍ତ୍ରୋପଚାର ପରେ ତାଙ୍କ ମାଲିକ ଡାକ୍ତରଖାନାରୁ ଡିସଚାର୍ଜ ହୋଇ ନ ଥିଲେ କୁକୁରଟି ଡ଼ାକ୍ତରଖାନା ବାହାରେ ତାଙ୍କୁ ଚାହିଁ ବସିଥିଲା ।
କୁକୁରର ମାଲିକଙ୍କ ମସ୍ତିଷ୍କରେ ଏକ ଅପରେସନ ହେବାର ଥିଲା । ସେଥିପାଇଁ ତାଙ୍କୁ ଡ଼ାକ୍ତରଖାନା ଅଣା ଯାଇଥିଲା । ସେ ଯେବେଠାରୁ ଡ଼ାକ୍ତରଖାନା ଆସିଥିଲେ ତାଙ୍କର ବୋନକକ୍ ନାମକ ଏକ ଛୋଟ ମିଶ୍ରିତ ପ୍ରଜାତିର କୁକୁର ଡ଼ାକ୍ତରଖାନା ବାହାରେ ଜଗି ବସିଥିଲା ।
କୁକୁରର ଏହି ବିଶ୍ବସ୍ତତା ଦେଖି ଡାକ୍ତରଖାନାର ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇ ଯାଇଥିଲେ । ଏହାକୁ ଦୃଷ୍ଟିରେ ରଖି ଡାକ୍ତରଖାନାର ପ୍ରଶାସନ କୁକୁରକୁ ତାଙ୍କର ୬୮ ବର୍ଷିୟ ମାଲିକ ସେମାଲ୍ ସେଣ୍ଟୁର୍କଙ୍କୁ ଭେଟିବାକୁ ଅନୁମତି ଦେଇଥିଲା।
ମସ୍ତିଷ୍କ ପକ୍ଷାଘାତ ଯୋଗୁଁ ୧୪ ଜାନୁଆରୀରେ ସେଣ୍ଟୁର୍କଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଅସୁସ୍ଥତା ହେତୁ ମାଲିକ ଡାକ୍ତରଖାନାରେ ଭର୍ତ୍ତି ହୋଇଥିବା ବେଳେ କୁକୁର ମଧ୍ୟ ଆମ୍ବୁଲାନ୍ସକୁ ଗୋଡ଼ାଇଥିଲା। ଗୋଡ଼ାଇବା ସମୟରେ କୁକୁରଟି ଡାକ୍ତରଖାନାର ପ୍ରବେଶ ପଥରେ ପହଞ୍ଚିଥିଲା, ପରେ କୁକୁରଟି ନିୟମିତ ଡାକ୍ତରଖାନାକୁ ଆସିବା ଆରମ୍ଭ କରିଥିଲା। ଏହି କୁକୁରର ନାମ ବୋନ୍କୁକ୍।
କୁକୁରଟି ପ୍ରତିଦିନ ସକାଳେ ଡ଼ାକ୍ତରଖାନାରେ ପହଞ୍ଚିଯାଉଥିଲା ଓ ସନ୍ଧ୍ୟାରେ ଘରକୁ ଫେରି ଯାଉଥିଲା । ବେଳେବେଳେ ବେଳେବେଳେ ଡାକ୍ତରଖାନା କର୍ମଚାରୀମାନେ ତାଙ୍କୁ ଖାଦ୍ୟ ଦେଉଥିଲେ ।
ଡାକ୍ତରଖାନାର ଯୋଗାଯୋଗ ନିର୍ଦ୍ଦେଶକ ଫୁଏଟ୍ ଉଗୁର କହିଛନ୍ତି ଯେ କୁକୁର କାହା ପାଇଁ ବିପଦ ନୁହେଁ। କୁକୁରଟିର ବିଶ୍ୱସ୍ତତା ଦେଖି ଡାକ୍ତରଖାନାର ଲୋକମାନେ କୁକୁର ଉପରେ ବହୁତ ଖୁସି ଅଛନ୍ତି। ସେଣ୍ଟୁର୍କଙ୍କ ଝିଅ କୁକୁରକୁ ଅନେକ ଥର ଘରକୁ ନେବାକୁ ଚେଷ୍ଟା କରିଥିଲେ ମଧ୍ୟ ସେ ଡାକ୍ତରଖାନାକୁ ଫେରି ଆସୁଥିଲା । ଶେଷରେ ଯେତେବେଳେ ସେଣ୍ଟୁର୍କ ଡାକ୍ତରଖାନା ଛାଡିଥିଲେ, କୁକୁରଟି ଖୁସିରେ ମାଲିକଙ୍କ ହ୍ୱିଲ୍ ଚେୟାର ପଛେପଛେ ଘରକୁ ଫେରିଥିଲା।
