ନବରଙ୍ଗପୁର: ସ୍ଥାନୀୟ ଦଶହରାପଦା ସ୍ଥିତ ଶ୍ରୀଅରବିନ୍ଦ ପୂର୍ଣାଙ୍ଗ ଶିକ୍ଷାକେନ୍ଦ୍ର ପରିସରରେ ଜାନୁଆରୀ ୯ ଏବଂ ୧୦ ୨ଦିନ ଧରି ଅବିଭକ୍ତ କୋରାପୁଟ ଓ କଳାହାଣ୍ଡି ଜିଲ୍ଲାକୁ ନେଇ ଗଠିତ ସମର୍ପଣ ମଣ୍ଡଳସ୍ତରୀୟ ଶ୍ରୀଅରବିନ୍ଦ ମହିଳା ପାଠଚକ୍ର ସମ୍ମିଳନୀ ଅନୁଷ୍ଠିତ ହୋଇଯାଇଛି। ଆଧ୍ୟାତ୍ମିକତାର ପୃଷ୍ଠ ଭୂମିରେ ଜୀବନ ବଂଚିବା ତଥା ଏକ ନୂତନ ସତ୍ୟର ପଥରେ ପ୍ରସ୍ତୁତ ହେବାଲାଗି ବିଭିନ୍ନ ବିଷୟରେ ଆଲୋଚନା ଓ କର୍ମଶାଳା ଅନୁଷ୍ଠିତ ହୋଇଥିଲା। ଏଥିରେ ସଂଗୀତା ପଟନାୟକ, ସୁଜାତା ପତି, ସଂଯୁକ୍ତା ମାଦଳା, ହେମଲତା ଦିଶାରୀ, ସ୍ଵର୍ଣ୍ଣଲତା ମହାଙ୍କୁଡ, କୁଂଜଲତା ଦଳେଇ, ଇନ୍ଦୁମତୀ ସାହୁ, ବସୁମତୀ ରାଉତ, ଉଷାରାଣି ମିଶ୍ର, ସୁରମା ରଥ, ଅତସୀ ରାଣୀକରଙ୍କ ସମେତ ସନ୍ତୋଷ କୁମାର ଗାହାଣ, ଦେବେନ୍ଦ୍ର ନାୟକ, ଟଙ୍କଧର ବେହେରା, ସୁଧିରାଜ ରାଉତ, ନବୀନ ଚନ୍ଦ୍ର ଦିଶାରୀ, ଅଭିମନ୍ୟୁ ଦାସ ପ୍ରମୁଖ ଅଂଶ ଗ୍ରହଣ କରିଥିଲେ। କବିତା କର୍ମଶାଳାକୁ ଶ୍ରୀଧର ଶତପଥି ଏବଂ ପି ରବିକାନ୍ତ ରଘୁରାମ ପରିଚାଳନା କରିଥିବା ବେଳେ ସଂଗତି ସହ ପ୍ରଗତି କର୍ମଶାଳାକୁ ଅନିଲ ସାମନ୍ତରାୟ ଏବଂ ଅଭଷିଖା ସାହୁ ପରିଚାଳନା କରିଥିଲେ। ସଭା ମଞ୍ଚରେ ମୁସକାନ ସାମଲ, ସି ଏଚ ଉଷାରାଣି ସଂଯୋଜନା କରିଥିଲେ। ଦ୍ୱିତୀୟ ଦିନରେ ବିଶେଷ ସନ୍ଧ୍ୟା ଅଧିବେଶନରେ ବିଶିଷ୍ଟ ସାଧକ ସି ଏଚ ନିରାକାର ପ୍ରଶ୍ନ ଉତ୍ତର ଭିତିକ କାର୍ୟ୍ୟକ୍ରମରେ ଉପସ୍ଥିତ ରହି ବିଭିନ୍ନ ଗୁରୁତ୍ୱପୂର୍ଣ ପ୍ରଶ୍ନ ସମୂହର ଉପଯୁକ୍ତ ସମାଧାନ ମାଧ୍ୟମରେ ଦିଗଦର୍ଶନ ଦେଇଥିଲେ। ଏଥିରେ ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ସାଂସ୍କୃତିକ କାର୍ୟ୍ୟକ୍ରମକୁ ନିଶାନ ପଟନାୟକ ଏବଂ ଲିନା ପଟନାୟକ ପରିଚାଳନା କରିଥିବା ବେଳେ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ସମସ୍ତ ଶିକ୍ଷକ ଏବଂ ଶିକ୍ଷୟତ୍ରୀ ସହଯୋଗ କରିଥିଲେ।
Popular Categories
Previous article
Next article