ନୂଆଦିଲ୍ଲୀ : ଭାରତ ସରକାର ଏକ ବଡ ଘୋଷଣା କରିଛନ୍ତି। ଜାନୁଆରୀ ୧୬ରୁ କରୋନା ଟିକାକରଣ ଅଭିଯାନ ଆରମ୍ଭ ହେବ । ସର୍ବପ୍ରଥମେ ୩ କୋଟି ସ୍ବାସ୍ଥ୍ୟକର୍ମୀଙ୍କୁ ଟିକା ଦିଆଯିବ । ଏହା ପରେ ୫୦ ବର୍ଷରୁ ଅଧିକ ବୟସ୍କ ଲୋକଙ୍କୁ ଏହି ଟିକା ଦିଆଯିବ। ଯାହାର ସଂଖ୍ୟା ପ୍ରାୟ ୨୭ କୋଟି ହେବ ବୋଲି ଆକଳନ କରାଯାଇଛି। ଏନେଇ କେନ୍ଦ୍ରସରକାର ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି।
On 16th January, India takes a landmark step forward in fighting COVID-19. Starting that day, India’s nation-wide vaccination drive begins. Priority will be given to our brave doctors, healthcare workers, frontline workers including Safai Karamcharis. https://t.co/P5Arw64wVt
— Narendra Modi (@narendramodi) January 9, 2021
ଲୋହ୍ରୀ, ମକର ସଙ୍କ୍ରାନ୍ତି, ପୋଙ୍ଗଲ୍, ମାଘ ବିହୁ ପର୍ବକୁ ଦୃଷ୍ଟିରେ ରଖି କୋଭିଡ-୧୯ ଟିକାକରଣ ଜାନୁୟାରୀ ୧୬ରୁ ଆରମ୍ଭ ହେବ ବୋଲି ଏକ ବୈଠକ ପରେ ନିଷ୍ପତ୍ତି ନିଆଯାଇଛି। ଜରୁରୀକାଳୀନ ବ୍ୟବହାର ପ୍ରାଧିକରଣ ଟିକା ଭାବରେ ନ୍ୟାସନାଲ ରେଗୁଲେଟର ପକ୍ଷରୁ ଦୁଇଟି ଟିକା କୋଭିଶିଲ୍ଡ ଏବଂ କୋଭାକ୍ସିନ ପ୍ରଦାନ କରାଯାଇଛି। ଏହି ଟିକାକରଣ ପାଇଁ ରାଜ୍ୟ ଏବଂ କେନ୍ଦ୍ରଶାସିତ ସରକାରଙ୍କ ସହଯୋଗରେ କେନ୍ଦ୍ରର ପ୍ରସ୍ତୁତି ସ୍ଥିତି ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ସୂଚନା ଦିଆଯାଇଥିଲା।
ବିଜ୍ଞପ୍ତି ପ୍ରକାଶ ଯେ, କରୋନା ଟିକାକରଣ ସହିତ କୋ-ୱାଇନ୍ ଉପରେ ରିଅଲ୍-ଟାଇମ୍ ମନିଟରିଂ, ଟିକା ଷ୍ଟକ୍ ସମ୍ବନ୍ଧୀୟ ସୂଚନା, ସେଗୁଡ଼ିକୁ ସଂରକ୍ଷଣ କରିବା ପାଇଁ ତାପମାତ୍ରା ଏବଂ ଟିକା ଆବଶ୍ୟକ କରୁଥିବା ଲୋକଙ୍କୁ ଟ୍ରାକିଂ କରାଯିବ। ବର୍ତ୍ତମାନ ସୁଦ୍ଧା ୭୯ ଲକ୍ଷରୁ ଅଧିକ ହିତାଧିକାରୀ କୋ-ୱିନରେ ପଞ୍ଜୀକୃତ କରିଛନ୍ତି। ଦେଶରେ ଆୟୋଜିତ ଡ୍ରାଏ ରନ’ର ତିନିଟି ପର୍ଯ୍ୟାୟରେ ବିଷୟରେ ପ୍ରଧାନମନ୍ତ୍ରୀଙ୍କୁ ମଧ୍ୟ ଅବଗତ କରାଯାଇଥିଲା।
ରାଜ୍ୟ ପ୍ରତିରକ୍ଷା ଅଧିକାରୀ, କୋଲ୍ଡ ଚେନ୍ ଅଫିସର, ଆଇଇସି ଅଧିକାରୀ ଏବଂ ବିକାଶ ସହଭାଗୀମାନଙ୍କ ସମେତ ଜାତୀୟ ସ୍ତରର ପ୍ରଶିକ୍ଷଣ ସମୟରେ ୨,୩୬୦ ଅଂଶଗ୍ରହଣକାରୀଙ୍କୁ ତାଲିମ ଦିଆଯାଇଥିଲା। ରାଜ୍ୟ, ଜିଲ୍ଲା ଏବଂ ବ୍ଲକ ସ୍ତରରେ ପ୍ରଶିକ୍ଷଣରେ ୬୧ ହଜାରରୁ ଅଧିକ ପ୍ରୋଗ୍ରାମ ମ୍ୟାନେଜର, ୨ ଲକ୍ଷ ଟୀକାପ୍ରଦାନକାରୀ (ଭ୍ୟାକ୍ସିନେଟର) ଏବଂ ୩.୭ ଲକ୍ଷ ଟିକାକରଣ ଦଳର ସଦସ୍ୟଙ୍କୁ ତାଲିମ ଦିଆଯାଇଛି। ସମଗ୍ର ଦେଶରେ ଚାଲିଥିବା ଡ୍ରାଏ ରନ୍ର ତିନିଟି ପର୍ଯ୍ୟାୟରେ ପ୍ରଧାନମନ୍ତ୍ରୀଙ୍କୁ ମଧ୍ୟ ଅବଗତ କରାଯାଇଥିଲା। ଗତକାଲି ୩୩ଟି ରାଜ୍ୟର ୬୧୫ଟି ଜିଲ୍ଲାର ୪୮୯୫ଟି ସ୍ଥାନରେ ତୃତୀୟ ଡ୍ରାଏ ରନ୍ ଆୟୋଜିତ କରାଯାଇଥିଲା।
ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଉଚ୍ଚ ସ୍ତରୀୟ ବୈଠକ କରି କରୋନା ଟିକାକରଣ ସମ୍ବନ୍ଧରେ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ପ୍ରସ୍ତୁତିର ସମୀକ୍ଷା କରିଥିଲେ। ଏହି ବୈଠକରେ କ୍ୟାବିନେଟ ସଚିବ, ମୁଖ୍ୟ ସଚିବ, ସ୍ୱାସ୍ଥ୍ୟ ସଚିବ ଏବଂ ଅନ୍ୟ ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ।
