ଆୟୁଷ୍ ମନ୍ତ୍ରୀ ଶ୍ରୀପଦ ୟେସୋ ନାଏକ କହିଛନ୍ତି, କୋଭିଡ ସଂକ୍ରମଣ ସମୟରେ ଆୟୁଷ୍ ସାମଗ୍ରୀଗୁଡ଼ିକ ପ୍ରତି ଚାହିଦା ତିନି ଗୁଣ ଅଧିକ ବୃଦ୍ଧି ପାଇଛି। ମନ୍ତ୍ରୀ କହିଛନ୍ତି, କୋଭିଡ ନାଇଣ୍ଟିନ୍ ସଂକ୍ରମଣ ସମୟରେ ଭାରତର ଆୟୁର୍ବେଦିକ ଔଷଧଗୁଡ଼ିକ ୧୦୦ରୁ ଊର୍ଦ୍ଧ୍ବ ଦେଶରେ ବ୍ୟବହାର କରାଯାଉଛି। ଶରୀରର ପ୍ରତିରୋଧକ କ୍ଷମତା ବୃଦ୍ଧି ପାଇଁ ଭାରତର ଆୟୁର୍ବେଦିକ ଔଷଧଗୁଡ଼ିକୁ ବିଶ୍ୱର ଅନେକ ଦେଶ ଏହି ସମୟରେ ବ୍ୟବହାରେ କରିଛନ୍ତି।
ଝାନ୍ସୀଠାରେ କେନ୍ଦ୍ରୀୟ ଆୟୁର୍ବେଦ ଗବେଷଣା ପ୍ରତିଷ୍ଠାନର ଦୁଇଟି ନୂଆ ବିଭାଗର ଉଦ୍ଘାଟନୀ ଉତ୍ସବରେ ସେ ଏହା କହିଛନ୍ତି। ସେହି ଦୁଇଟି ଅଟ୍ଟାଳିକାର ନିର୍ମାଣ ବାବଦରେ ୧୪ କୋଟି ଟଙ୍କା ଖର୍ଚ୍ଚ ହୋଇଛି ଓ ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ନିର୍ଦ୍ଦେଶାବଳୀ ଅନୁସାରେ ସେଗୁଡ଼ିକର ନିର୍ମାଣ କରାଯାଇଛି।
