ଆଠଗଡ : ଆଠଗଡରେ ଦୀର୍ଘ ୪ମାସ ଉପଖଣ୍ଡ ସହକାରୀ ଯୋଗାଣ ଅଧିକାରୀ ପଦବୀଟି ଖାଲି ପଡିଥିବାବେଳେ ଶୁକ୍ରବାର ନୂତନ ସହକାରୀ ଯୋଗାଣ ଅଧିକାରୀ କାର୍ଯ୍ୟରେ ଯୋଗଦେଇଛନ୍ତି। ନୂତନ ସହକାରୀ ଯୋଗାଣ ଅଧିକାରୀ ଭାବେ ଦେବାଶିଷ ମହାନ୍ତି ଶୁକ୍ରବାର ଉପଜିଲ୍ଲାପାଳ ଅଜାମ୍ବର ମହାନ୍ତିଙ୍କୁ ସାକ୍ଷାତ କରିବା ପରେ ଦାୟିତ୍ୱ ଗ୍ରହଣ କରିଥିଲେ। ଏହା ପୂର୍ବରୁ ଶ୍ରୀ ମହାନ୍ତି ସମ୍ବଲପୁର ଜିଲ୍ଲାର କୁଚିଣ୍ଡା ଉପଖଣ୍ଡରେ ସହକାରୀ ଯୋଗାଣ ଅଧିକାରୀ ଭାବେ କାର୍ଯ୍ୟ କରିଥିଲେ। ପୂର୍ବରୁ ଆଠଗଡରେ ସହକାରୀ ଯୋଗାଣ ଅଧିକାରୀ ଭାବେ ଥିବା ନିରଦ ରଞ୍ଜନ ଦାସଙ୍କର ଢେଙ୍କାନାଳ ଜିଲ୍ଲାକୁ ଜିଲ୍ଲା ଯୋଗାଣ ଅଧିକାରୀ ଭାବେ ପଦୋନ୍ନତି ସହ ବଦଳି ହେବା ପରେ ଆଠଗଡ ବ୍ଲକ ଯୋଗାଣ ନିରୀକ୍ଷକ ସୌମେନ୍ଦ୍ର ମହାନ୍ତି ଭାରପ୍ରାପ୍ତ ସହକାରୀ ଯୋଗାଣ ଅଧିକାରୀ ଭାବେ ଦାୟିତ୍ୱ ନିର୍ବାହ କରୁଥିଲେ। ନୂତନ ସହକାରୀ ଯୋଗାଣ ଅଧିକାରୀ ଭାବେ ଯୋଗଦେବା ପରେ ଶ୍ରୀ ମହାନ୍ତି ତାଙ୍କ ପ୍ରତିକ୍ରିୟାରେ ଆଠଗଡ ଉପଖଣ୍ଡରେ ସାଧାରଣ ବଣ୍ଟନ ବ୍ୟବସ୍ଥାରେ ସ୍ୱଚ୍ଛତା ଆଣିବା ଓ ଏହାକୁ ବ୍ୟବସ୍ଥିତ କରିବା ତାଙ୍କର ପ୍ରାଥମିକତା ହେବ ବୋଲି ପ୍ରକାଶ କରିଥିଲେ।
Popular Categories
Previous article
Next article