ଖପ୍ରାଖୋଲ : ଖପ୍ରାଖୋଲ ବ୍ଲକ ଅନ୍ତର୍ଗତ ଚାଉଲବାଞ୍ଜି ଗ୍ରାମର ତୀର୍ଥରାଜ ଧରୁଆଙ୍କ ଧାନଖରିରେ ନିଆଁ ଲାଗି ଯାଇ ଲକ୍ଷାଧିକ ଟଙ୍କାର ଧାନ ପୋଡି ପାଉଁଶ ହୋଇଯାଇଛି। ତୀର୍ଥରାଜଙ୍କ ପରିବାର ଲୋକ ନିକଟରେ ତାଙ୍କ କ୍ଷେତରୁ ଧାନ କାଟି ଧାନଖରିକୁ ଆଣି ତାଙ୍କ ଖଳାରେ ରଖିଥିଲେ। ଧାନ ମଡାଇବା ପାଇଁ ରଖାଯାଇଥିଲା। ମାତ୍ର କୌଣସି କାରଣବଶତଃ ଏହି ଧାନଖରିରେ ନିଆଁ ଲାଗି ଯାଇଥିଲା। ଖବର ପାଇ ଖପ୍ରାଖୋଲ ଦମକଳ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ୍ତ କରିଥିଲେ। ମାତ୍ର ହୁ ହୁ ହୋଇ ଧାନଖରି ସବୁ କିଛି ସମୟ ମଧ୍ୟରେ ପୋଡି ପାଉଁଶ ହୋଇଯାଇଥିଲା। କିପରି ନିଆଁ ଲାଗିଲା ସେ ନେଇ ଏ ପର୍ଯ୍ୟନ୍ତ ଜଣାପଡିନାହିଁ। ଅନ୍ୟପକ୍ଷରେ ଛୋଟ ପିଲାମାନେ ଖେଳିଲା ବେଳେ ନିଆଁ ଲାଗିଥିବା ସନ୍ଦେହ କରାଯାଉଛି। ଘଟଣାକୁ ନେଇ ପରିବାର ଲୋକ ଦୁଃଖରେ ଭାଙ୍ଗି ପଡିଛନ୍ତି। ସରକାରୀ ସହାୟତା ଯୋଗେଇ ଦେବାକୁ ପରିବାର ପକ୍ଷରୁ ଅନୁରୋଧ କରାଯାଇଛି। ଖପ୍ରାଖୋଲ ତହସିଲଦାର ଧିରଜ କୁମାର ପାତ୍ରଙ୍କ ନିର୍ଦ୍ଦେଶକ୍ରମେ ସ୍ଥାନୀୟ ଆରଆଇ ଘଟଣାସ୍ଥଳକୁ ଯାଇ ତଦନ୍ତ କରିଛନ୍ତି।
Popular Categories
Previous article
Next article