କେଶଦୁରାପାଳ :କେନ୍ଦୁଝର ଜିଲାର ଆନନ୍ଦପୁର ଉପଖଣ୍ଡରେ ଦିନ କୁ ଦିନ ଚୋରୀ ଡକାୟତି ବୃଦ୍ଧି ପାଉଥିବା ବେଳେ ଆଜି ଏକ ଡକାୟତି ଗ୍ୟାଙ୍ଗ ର ପର୍ଦ୍ଦାଫାସ ହୋଇଥିବା ଜଣାପଡ଼ିଛି ଏଥି ସହିତ ୮ ଲକ୍ଷ ଟଙ୍କା ମୂଲ୍ୟର ମୋବାଇଲ ଜବତ କରାଯାଇ ଥିବା ବେଳେ ୨ଡକାୟତ ଗିରଫ ହୋଇଛନ୍ତି ।
ଯାଜପୁର ଜିଲା କୋରେଇଁ ଥାନା ଅଂଚଳର ରାଜକିଶୋର ଦାସ୍ (୩୦) ଓ ତାରିଣୀ ପ୍ରସାଦ ଦାସ (୩୦) ଏକ ପଲସର ବାଇକ ଯୋଗେ ଯାଉଥିବାବେଳେ ସଇଲଙ୍ଗ ଛକ ନିକଟରେ ଜଣେ ବ୍ୟକ୍ତିଙ୍କର ମୋବାଇଲ ଝାମ୍ପି ନେବାକୁ ଉଦ୍ୟମ କରିଥିଲେ । ଭକ୍ତ ବ୍ୟକ୍ତିଙ୍କଠାରୁ ସୂଚନା ପାଇ ଘସିପୁରା ପୁଲିସଘସିପୁରା ପୁଲିସ ସେହି ପଲସର ବାଇକ୍ କୁ ପିଛା କରି କାବୁ କରିଥିଲା। ।ସେମାନଙ୍କ ଠାରୁ ୪୦ ଟି ମୋବାଇଲ, ଏକ ପଲସର ୨୨୦ ବାଇକ, ଏକ ଲଙ୍କା ଗୁଣ୍ଡ ପାକେଟ, ଏକ ଛୁରା ଜବତ ହୋଇଛି। ଏହାର ଆନୁମାନିକ ମୂଲ୍ୟ ୮ ଲକ୍ଷ ୫୦ହଜାର ଟଙ୍କା ହେବ ବୋଲି ଜଣାପଡ଼ିଛି । ଏହି ଚଢ଼ଉ ରେ ଘସିପୁରା ପୁଲିସ୍ ସହଯୋଗ କରିଥିବା ବେଳେ ରାଜକିଶୋର ଦାସ୍ ଓ ତାରିଣୀ ପ୍ରସାଦ ଦାସଙ୍କୁ କୋର୍ଟ ଚାଲାଣ କରାଯାଇଛି ।
