ପୁରୀ: ଭାଇ ଓ ଭଉଣୀଙ୍କୁ ସାଙ୍ଗରେ ଧରି ଶ୍ରୀ ଗୁଣ୍ଡିଚାରୁ ନବଦିନାତ୍ମକ ଯାତ୍ରାରେ ବାହାରିଥିଲେ ପ୍ରଭୁ ଶ୍ରୀ ଜଗନ୍ନାଥ । ପତ୍ନୀ ମହାଲକ୍ଷ୍ମୀଙ୍କୁ ଶ୍ରୀମନ୍ଦିରରେ ଛାଡି ଗୁଣ୍ଡିଚା ମନ୍ଦିରକୁ ଚାଲି ଆସିଥିଲେ । କ୍ରୋଧରେ ଜର୍ଜରିତ ମହାଲକ୍ଷ୍ମୀ ହେରାପଞ୍ଚମୀ ଦିନ ଗୁଣ୍ଡିଚା ମନ୍ଦିରକୁ ବିଜେ କରିବା ସହ ମୋହ ଚୂର୍ଣ୍ଣ ଜଗନ୍ନାଥଙ୍କ ଉପରେ ପ୍ରୟୋଗ କରିଥିଲେ । ଫେରିବା ସମୟରେ ନନ୍ଦିଘୋଷ ରଥ ଭାଙ୍ଗି ଦେଇ ଚାଲିଯାଇଥିଲେ ।
ହେରା ଗୋହରୀ ସାହି ଦେଇ ଶ୍ରୀମନ୍ଦିରକୁ ମହାଲକ୍ଷ୍ମୀ ବିଜେ କରିଥିଲେ । ଏହାପରେ ଗୁରୁବାରରେ ଶ୍ରୀ ଜଗନ୍ନାଥ ଶ୍ରୀମମନ୍ଦିରକୁ ଫେରିବା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ଗୁରବାର ସକାଳ ୬ଟା ୨୫ରେ ଦ୍ୱାରପାଳ ପୂଜା, ୬ଟା ୪୫ରେ ମଙ୍ଗଳା ଆରତୀ, ସକାଳ ୮ଟା ୨୦ ସମୟରେ ଅବକାଶ, ଦିନ ୧୧ଟା ୧୫ରେ ବଲ୍ଲଭ ଶେଷ ହୋଇଥିଲା । ମଧ୍ୟାହ୍ନ ୧୨ଟା୪୫ରେ ସକାଳ ଧୂପ ଶେଷ ହୋଇଥିଲା । ଦ୍ୱିପହର ୨ଟା ୫ ମିନିଟ ସମୟରେ ରଥକୁ ଆଜ୍ଞାମାଳ ବିଜେ କରିଥିଲେ । ଦିନ ୨ଟା ୨୦ରେ ରେ ଦକ୍ଷିଣ ମୋଡ ଆରମ୍ଭ ହୋଇଥିଲା । ପ୍ରଥମେ ଦେବୀ ସୁଭଦ୍ରାଙ୍କର ରଥର ଦକ୍ଷଣ ମୋଡ ଆରମ୍ଭ ହୋଇଥିଲା । ଏଥିପାଇଁ ଶରଧାବାଲି ଏହାର ନିକଟସ୍ଥ ରାସ୍ତାରେ ବାଲି ପକାଯାଇଥିଲା ।
