ଓଜନକୁ କମ୍ ରଖି ସୁସ୍ଥ ଜୀବନ ଅତିବାହିତ କରିବା ପାଇଁ ଅଧିକାଂଶ ଲୋକେ ନିୟମିତ କସରତ କରୁଛନ୍ତି। ଓଜନ ବଢ଼ିଲେ ହିଁ ଶରୀରକୁ ବିଭିନ୍ନ ରୋଗ ଆକ୍ରମଣ କରେ। ଏବେ କିନ୍ତୁ ଆପଣଙ୍କୁ ଆଉ ଜିମ୍ ଯାଇ ଝାଳ ବୁହାଇବାର ଆବଶ୍ୟକତା ନାହିଁ କିମ୍ବା ଯୋଗ, ପ୍ରାଣାୟମ ନ କଲେ ମଧ୍ୟ ଓଜନ କମ୍ ହୋଇପାରିବ। କାଲିଫର୍ଣ୍ଣିଆ ବିଶ୍ବବିଦ୍ୟାଳୟର ଗବେଷକ ସମୂହ ତିଆରି କରିଥିବା ଉଚ୍ଚକ୍ଷମତାସମ୍ପନ୍ନ ହେଡ୍ଫୋନ୍୍କୁ ଜଣେ ବ୍ୟକ୍ତି ନିୟମିତ ଭାବେ ୩ ମାସ ପିନ୍ଧିଲେ ୭-୧୦ କିଲୋ ଓଜନ କମ୍ ହୋଇପାରିବ। ପ୍ରାରମ୍ଭିକ ପର୍ଯ୍ୟାୟରେ ପରୀକ୍ଷା ସଫଳ ହେବା ପରେ ଗବେଷକ ଦଳ ଏହି ତଥ୍ୟ ପ୍ରକାଶ କରିଛନ୍ତି। ମିଳିଥିବା ତଥ୍ୟ ଅନୁସାରେ, ଦୁଇଟି ହେଡ୍ଫୋନ୍ରେ ଲାଗିଥିବା ସ୍ପିକର୍ରେ ଇଲେକ୍ଟ୍ରୋଡ୍ ଖଞ୍ଜାଯାଇଛି। ଏଇ ଇଲେକ୍ଟ୍ରୋଡ୍ କାନର ପଛ ଭାଗରେ ଥିବା ଭେଷ୍ଟିଭୁଲାର କୋଷିକାରେ ବିଦ୍ୟୁତ୍ ସିଗନାଲ୍ ସଂଚାର କରିବ। ଭେଷ୍ଟିଭୁଲାର କୋଷିକା ମସ୍ତିଷ୍କର ହାଇପୋଥେଲାମସ୍ ଭାଗ ସହ ସଂଯୋଗ ଥିବାବେଳେ ଏହା ମନୁଷ୍ୟର ଭୋକକୁ ନିୟନ୍ତ୍ରଣ କରେ। ହେଡ୍ଫୋନ୍୍େର ଗୀତ ଶୁଣିଲେ ଏହି କୋଷିକା ସକ୍ରିୟ ହୋଇ ଅନ୍ୟ ଏକ ହରମୋନ୍ ସ୍ରାବ କରିଥାଏ, ଯାହାର ନାମ ‘ଲେପ୍ଟିନ୍’। ଏଇ ହରମୋନ୍ କାରଣରୁ ଆମେ କମ୍ ପରିମାଣରେ ଖାଇଥାଉ। ‘ଜର୍ଣ୍ଣାଲ୍ ଆମେରିକାନ୍ ସାଇକୋଲୋଜିଷ୍ଟ’ ପତ୍ରିକାରେ ଏ ସମ୍ପର୍କିତ ତଥ୍ୟ ପ୍ରକାଶିତ ହୋଇଥିଲା। ବିଶେଷଜ୍ଞ ଦଳ ସ୍ପଷ୍ଟ କରିଛନ୍ତି, ଏହି ହେଡ୍ଫୋନ୍ ବ୍ୟବହାର କଲେ ଶରୀରକୁ କୌଣସି କ୍ଷତି ପହଞ୍ଚି ନ ଥାଏ। ବିଶେଷ ଧରଣର ଏଇ ହେଡ୍ଫୋନ୍ ଶୁଣିଲେ କାନ ପଛରେ ହାଲ୍କା ଅନୁଭବ ହେଉଥିବାର ପ୍ରକାଶ। ୨୦୦ ବ୍ୟକ୍ତିଙ୍କୁ ସାମିଲ କରାଯାଇ ୩ ମାସ ପର୍ଯ୍ୟନ୍ତ ହେଡ୍ଫୋନ୍ ପରୀକ୍ଷା ହୋଇଥିଲା। ସେମାନଙ୍କ ଓଜନ ଅପେକ୍ଷାକୃତ କମ୍ ହୋଇଥିବାର ଅନୁଧ୍ୟାନରୁ ଜଣାପଡ଼ିଛି। ଚଳିତ ବର୍ଷ ଶେଷ ସୁଦ୍ଧା ଏହି ହେଡ୍ଫୋନ୍ର ବିକ୍ରି ଆରମ୍ଭ ହୋଇପାରେ।
Popular Categories
Previous article
Next article