ଗାଇସିଲେଟ / ମେଲଛାମୁଣ୍ଡା /ବରଗଡ଼: ବରଗଡ଼ ଜିଲା ଗାଇସିଲେଟ ବ୍ଲକ ଅନ୍ତର୍ଗତ ତାଲପାଲି ପଂଚାୟତ ତାଲପାଲି ଗାଧୋଆଦରା ଠାରେ ୪ଟି ହାତୀ ଅଙ୍ଗନଦୀ ବନ୍ୟାଜଳ ଘେରରେ ରହି ଯାଇଥିଲେ। ଘେଁସ ରେଞ୍ଜ ଘନମାଳ ପଟୁ ଏହି ହାତୀପଲ ତାଲପାଲିକୁ ଚାଲିଆସିଛନ୍ତି। ଏମାନେ ଅଙ୍ଗନଦୀ ଦେଇ ତାଲପାଲି ପଟକୁ ଆସୁଥିବା ବେଳେ ନଦୀରେ ଜଳସ୍ତର ବଢ଼ିବା ଯୋଗୁଁ ନଦୀ ଭିତରେ ଫସି ଯାଇଥିଲେ । ଏହି ହାତୀପଲରେ ଗୋଟିଏ ମାଈ, ଗୋଟିଏ ଅଣ୍ଡିରା ଏବଂ ଦୁଇଟି ଛୁଆ ହାତୀ ଅଛନ୍ତି। ରାତିରେ ନଦୀ ପାରହୋଇ ହାତୀପଲ ଜଙ୍ଗଲମୁହାଁ ହୋଇଥିଲେ । ଏହି ସମୟରେ ଘନାମାଲ ଗ୍ରାମର ସପ୍ତ ନାଏକ ନିଜ ଚାଷଜମିରେ ଥିବା ସମୟରେ ହାତୀ ହାବୁଡ଼ରେ ପଡ଼ିଯାଇଥିଲେ । ସପ୍ତଙ୍କୁ ହାତୀପଲ ଆକ୍ରମଣ କରି ଦଳିଚକଟି ମାରି ଦେଇଥିଲେ । ବନବିଭାଗ ପକ୍ଷରୁ ହାତୀପଲଙ୍କୁ ଘଉଡ଼ାଇବା ବ୍ୟବସ୍ଥା କରାଯାଉଛି । ଏହି ଖବର ଲେଖାହେବା ପର୍ୟ୍ୟନ୍ତ ହାତୀପଲ ଘନାମାଲ ଜଙ୍ଗଲରେ ରହିଛନ୍ତି ।
Popular Categories
Previous article
Next article