ଭାରତୀୟ ସୀମା କ୍ଷେତ୍ରରେ ଆମେ ଅନୁପ୍ରବେଶ କରିନାହୁଁ: ଚୀନ
ବେଜିଂ: ସୀମାରେ ଉସୁକାଇବା ପରି ପଦକ୍ଷେପରୁ ବିରତ ରହିବାକୁ ଭାରତକୁ ପରାମର୍ଶ ଦେଇଛି ଚୀନ । ଏହା ସହ ଭାରତୀୟ ସେନାଙ୍କୁ ତୁରନ୍ତ ବାସ୍ତବିକ ନିୟନ୍ତ୍ରଣ ରେଖା ନିକଟରୁ ହଟାଇନେବାକୁ ମଧ୍ୟ ଚୀନ ଭାରତକୁ କହିଛି । ଭାରତୀୟ ସେନା ବାସ୍ତବିକ ନିୟନ୍ତ୍ରଣ ରେଖା ଅତିକ୍ରମ କରିଛନ୍ତି ବୋଲି ଚୀନ ପାଲଟା ଅଭିଯୋଗ କରିଛି ।
ଚୀନ ସରକାରୀ ସମ୍ବାଦପତ୍ର ଗ୍ଲୋବାଲ ଟାଇମ୍ସ ଅନୁସାରେ ଚୀନର ବିଦେଶ ମନ୍ତ୍ରଣାଳୟ ମୁଖପାତ୍ର ହୁଆ ଚୁନୟିଙ୍ଗ ମଙ୍ଗଳବାର ସାମ୍ବାଦିକ ସମ୍ମିଳନୀ ଏପରି ପରାମର୍ଶ ଦେଇଛନ୍ତି । ଏହା ସହ ସେ କହିଛନ୍ତି ଚୀନ କୌଣସି ଦେଶର ଜମିରେ ଗୋଟିଏ ଇଞ୍ଚ ମଧ୍ୟ ଅଧିକାର କରିନାହିଁ । ଏହା ସହ ସେ କହିଛନ୍ତି ଯେ ଚୀନ କେବେ ବି କୌଣସି ଦେଶ ସହ ସଂଘର୍ଷ ଲାଗି ଚାହୁଁନାହିଁ କିମ୍ବା କୌଣସି ଦେଶର ଜମି ଅଧିକାର କରିନାହିଁ । ଚୀନ ସେନା ଭାରତୀୟ କ୍ଷେତ୍ରରେ ପ୍ରବେଶ କରିନାହିଁ ବୋଲି ହୁଆ ଚୁନୟିଙ୍ଗ କହିଛନ୍ତି ।
ଏହା ପୂର୍ବରୁ ଭାରତସ୍ଥିତ ଚୀନ ଦୂତାବାସର ମୁଖପାତ୍ର କହିଥିଲେ ଯେ ଭାରତୀୟ ସେନା ବାସ୍ତବିକ ନିୟନ୍ତ୍ରଣ ରେଖାର ଭିନ୍ନଭିନ୍ନ ସ୍ଥାନରେ ସୀମା ପାର କରି ଚୀନ କ୍ଷେତ୍ରରେ ପ୍ରବେଶ କରିଛନ୍ତି । ଦୂତାବାସ ପକ୍ଷରୁ କୁହାଯାଇଥିଲା ଯେ ଚୀନ ଔପଚାରିକ ଭାବରେ ଭାରତ ସହ ସୀମାବର୍ତୀ ଅଞ୍ଚଳରେ ସେନାମାନଙ୍କୁ ନିୟନ୍ତ୍ରଣ କରିବା ନିମନ୍ତେ ଆଗ୍ରହ ପ୍ରକାଶ କରିଛି ।
Chinese Embassy in India releases statement on India-China border situation; says, “Indian troops illegally trespassed LAC again at southern bank of Pangong Tso.”
It further reads, “China made solemn representations to India, urged them to control & restrain frontline troops.” pic.twitter.com/mCAaLXkjsd
— ANI (@ANI) September 1, 2020
ଏହାସହ ଚୀନ ଦୂତାବାସ ପକ୍ଷରୁ ନିଜ ୱେବସାଇଟରେ ଏକ ସ୍କ୍ରିନସଟ୍ ମଧ୍ୟ ସେୟାର କରିଥିଲେ । ଏଥିରେ କୁହାଯାଇଥିଲା ଯେ ଦୂତାବାସର ମୁଖପାତ୍ର ଭାରତ-ଚୀନ ସୀମାର ସ୍ଥିତିକୁ ନେଇ ଗଣମାଧ୍ୟମକୁ ଏହି ସୂଚନା ଦେଇଛନ୍ତି । ଏଥିରେ ଭାରତୀୟ ସେନା ପୋଙ୍ଗାଙ୍ଗ ତ୍ସୋର ଦକ୍ଷିଣାଞ୍ଚଳରେ ଅବୈଧ ଭାବରେ ପ୍ରବେଶକୁ ନେଇ ପ୍ରଶ୍ନ କରାଯାଇଥିଲା । ଚୀନ ଦୂତାବାସ ୩୧ ଅଗଷ୍ଟରେଭାରତୀୟ ସେନା ଚୀନ-ଭାରତ ସୀମା ବୁଝାମଣାକୁ ଉଲ୍ଲଙ୍ଘନ କରିଛନ୍ତି ବୋଲି ଚୀନ ଦୂତାବାସ ପକ୍ଷରୁ କୁହାଯାଇଥିଲା।
ଭାରତ ପୋନ୍ଗାଗ ତ୍ସୋର ଦକ୍ଷିଣାଞ୍ଚଳରେ ଓ ପଶ୍ଚିମ ସେକ୍ଟର ରେକିନ ଅଞ୍ଚଳରେ ସୀମା ଅତିକ୍ରମ କରିଛି ଏବଂ ଭାରତର ଏହି ପଦକ୍ଷେପକୁ ଉସୁକାଇବା ପରି ପଦକ୍ଷେପ ବୋଲି ଚୀନ କହିଛି । ଭାରତ ସୀମାନ୍ତରେ ନିଜ ସେନାଙ୍କୁ ନିୟନ୍ତ୍ରଣରେ ରଖିବା ଓ ସୀମା ବୁଝାମଣାକୁ ସମ୍ମାନ କରିବାକୁ ଚୀନ ପରାମର୍ଶ ଦେଇଛି ।
