ପାଟଣା: ପାଟଣା ଥାନା ଅନ୍ତର୍ଗତ ଗୋବିନ୍ଦ ପଇଦା ହତ୍ୟା ଘଟଣାରେ ଆସାମୀଙ୍କୁ ମଙ୍ଗଳବାର କୋର୍ଟ ଚାଲାଣ କରିଛି ପାଟଣା ପୁଲିସ। କରଞ୍ଜିଆପଡା ଶାଳ ଜଙ୍ଗଲରୁ ଗତ ରବିବାର ସକାଳୁ ଜଣେ ଯୁବକଙ୍କ କ୍ଷତବିକ୍ଷତ ଶବ ଉଦ୍ଧାର କରାଯାଇଥିଲା। ମୃତ ଯୁବକ ଜଣକ ତେଣ୍ଡରା ପଞ୍ଚାୟତ ନୂଆଗାଁ ଗ୍ରାମର ଗୋବିନ୍ଦ ପଇଦା ଓରଫ ଗାଡୁ ବୋଲି ଜଣାପଡିଥିଲା। ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁର ସହ ପାଟଣା ପୁଲିସ ଘଟଣାର ତଦନ୍ତ କରିବା ସହ ମୃତକର ଶବକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇଥିଲେ। ପାଟଣା ଥାନା ସବ୍ଇନ୍ସପେକ୍ଟର ଶିବଶଙ୍କର ଆଲଦା ଘଟଣା ତଦନ୍ତ କରି ଗୋବିନ୍ଦ ପଇଦାକୁ ହତ୍ୟା ଘଟଣାର ଆସାମୀ କରଞ୍ଜିଆପଡାର ବସନ୍ତ ଦେହୁରୀ (୪୦)କୁ ଗିରଫ କରି ଆଜି କୋର୍ଟଚାଲାଣ କରିଛନ୍ତି । ବସନ୍ତଙ୍କ ସାଇକେଲଟି ଗୋବିନ୍ଦ ନେଇ ଫେରାଇ ନଥିବାରୁ ନିଶାସକ୍ତ ଅବସ୍ଥାରେ ଝଗଡା ଓ ମୁଥ ମାଡରୁ ଗୋବିନ୍ଦଙ୍କ ମୃତ୍ୟୁ ହୋଇଥିବା ଜଣାପଡିଛି ।
Popular Categories
Previous article
Next article