ନୂଆଦିଲ୍ଲୀ: ରାଜସ୍ଥାନ ଓ ମଧ୍ୟପ୍ରଦେଶରେ କଂଗ୍ରେସ ଭୁଶୁଡ଼ୁଥିବାବେଳେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଭିଡିଓ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ଶୁକ୍ରବାର ସେ ଏକ ଭିଡିଓ ମୁକ୍ତିଲାଭ କରାଇଛନ୍ତି; ଯେଉଁଥିରେ କେନ୍ଦ୍ର ସରକାର ତଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆକ୍ରମଣ କରିଛନ୍ତି। ଗତ ୬ ବର୍ଷ ଧରି ମୋଦୀଙ୍କ ନେତୃତ୍ବ କିପରି ଦେଶର ମୌଳିକତାକୁ ଦୁର୍ବଳ କରିଦେଇଛନ୍ତି ଏବଂ ଏହା ଚୀନକୁ ଭାରତ ବିରୋଧରେ ଆକ୍ରମଣାତ୍ମକ ଆଭିମୁଖ୍ୟ ପାଇଁ ଖୋରାକ ଯୋଗାଇଛି ତାହା ସେ ଏଥିରେ ବର୍ଣ୍ଣନା କରିଛନ୍ତି।
Since 2014, the PM's constant blunders and indiscretions have fundamentally weakened India and left us vulnerable.
Empty words don't suffice in the world of geopolitics. pic.twitter.com/XM6PXcRuFh
— Rahul Gandhi (@RahulGandhi) July 17, 2020
ମୋଦୀଙ୍କ ବିଦେଶ ନୀତିର କେତେକ ଭୁଲ୍ ଦିଗକୁ ସେ ନିଜ ବକ୍ତବ୍ୟରେ ଉପସ୍ଥାପନ କରି କହିଛନ୍ତି ଯେ ତାଙ୍କର ଫମ୍ପା ଭାଷଣ ଓ ମିଛ କଥା ଦେଶକୁ ବିପଦ ମୁହଁକୁ ଠେଲି ଦେଇଛି। ବିଦେଶନୀତିରେ ଭୁଲ ଯୋଗୁଁ ନେପାଳ, ଶ୍ରୀଲଙ୍କା, ଭୁଟାନ ଭଳି ପଡ଼ୋଶୀଙ୍କ ସହିତ ସମ୍ପର୍କ ଖରାପ ହୋଇଛି। ଆମେରିକା ଓ ରୁଷ୍ ସହିତ ସମ୍ପର୍କ କେବଳ ବ୍ୟବସାୟ ଆଧାରିତ ହୋଇଛି। ଦୁର୍ବଳ ଆର୍ଥିକ ନୀତି ଯୋଗୁଁ ଦେଶର ପ୍ରତି କ୍ଷେତ୍ରରେ ଭିତ୍ତିଭୂମି ଭୁଶୁଡ଼ି ପଡ଼ିଛି। ଗତ ପାଞ୍ଚ ଦଶନ୍ଧି ମଧ୍ୟରେ ଏଭଳି ଆର୍ଥିକ ସ୍ଥିତି ଦେଖାଯାଇ ନ ଥିଲା। ଭ୍ରମାତ୍ମକ ବିଦେଶ ନୀତି, ବିଫଳ ଆର୍ଥିକ ପରିଚାଳନା ଓ ସମସ୍ୟା ବିଜଡ଼ିତ ପଡ଼ୋଶୀ ସମ୍ପର୍କକୁ ସୁଧାରିବା ଦରକାର ବୋଲି ରାହୁଲ କହିଛନ୍ତି।
