ଭୁବନେଶ୍ବର: ଦଳର ସାଙ୍ଗଠନିକ ପୁନର୍ଗଠନ କ୍ରମରେ ବିଜେଡ଼ି ସଭାପତି ନବୀନ ପଟ୍ଟନାୟକ ୧୮ ମହିଳା ନେତ୍ରୀଙ୍କ ଉପରେ ନ୍ୟସ୍ତ କରିଛନ୍ତି ୩୦ ଜିଲାର ଦାୟିତ୍ବ । ଏହି ନେତ୍ରୀମାନେ ଦଳର ଛାମୁଆ ମହିଳା ସଙ୍ଗଠନ ତତ୍ବାବଧାନ କରିବେ ।
ସୂଚନା ଅନୁସାରେ ପୂର୍ବତନ ମହିଳା କମିଶନ ତଥା ବିଜେଡ଼ି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କୁ ଦିଆଯାଇଛି କେନ୍ଦୁଝର ଜିଲା ଦାୟିତ୍ବ । ଗଜପତି ଓ ଗଞ୍ଜାମ ଜିଲା ଦାୟିତ୍ବ ଦିଆଯାଇଛି ଗୀତା ବସ୍ତିଆଙ୍କୁ ଓ କସ୍ତୁରୀ ମହାପାତ୍ର ପାଇଛନ୍ତି ପୁରୀ, ଖୋର୍ଧା ଓ ଭୁବନେଶ୍ବର ଜିଲା । ଉର୍ମିଳା ଦାସଙ୍କୁ ଭଦ୍ରକ ଓ ମୟୁରଭଞ୍ଜ, ପ୍ରବାସିନୀ ଷଡଙ୍ଗୀଙ୍କୁ କଟକ, ଜ୍ୟୋତି ପାଣିଗ୍ରାହୀଙ୍କୁ ଝାରସୁଗୁଡା ଓ ସୁନ୍ଦରଗଡ ଜିଲ୍ଲା ଦାୟିତ୍ୱ ମିଳିଛି । ରାଉରକେଲାର ବିଜେଡ଼ି ନେତ୍ରୀ ମିନତୀ ଦେବତାଙ୍କୁ ସମ୍ବଲପୁର ଓ ବରଗଡ ଜିଲା ଦାୟିତ୍ବ ମିଳିଥିବାବେଳେ ଭାରତୀ ସିଂହଙ୍କୁ ବାଲେଶ୍ୱର, ସରୋଜିନୀ ରାଜଙ୍କୁ ବଳାଙ୍ଗିର ଓ ସୋନପୁର ଜିଲା ମିଳିଛି ।
BJD Women Committee_13.07.2020
ସେହିଭଳି ସ୍ନିଗ୍ଧା ପାଣିଗ୍ରାହୀଙ୍କୁ ରାୟଗଡା ଓ ନବରଙ୍ଗପୁର, ନିବେଦିତା ମହାନ୍ତିଙ୍କୁ କୋରାପୁଟ ଓ ମାଲକାନଗିରି, କୁଞ୍ଜଲତା ସାମଲଙ୍କୁ ନୟାଗଡ, ପୁଷ୍ପାଞ୍ଜଳି ରଣାଙ୍କୁ ଅନୁଗୁଳ, ଦେବଗଡ, ଢେଙ୍କାନାଳ, ସଂଘମିତ୍ରା ଦଳାଇଙ୍କୁ କନ୍ଧମାଳ ଓ ବୌଦ, ରିଜୱାନା ବେଗମଙ୍କୁ ଯାଜପୁର, ମିତା ରାଉତଙ୍କୁ କେନ୍ଦ୍ରାପଡା, ସ୍ନେହାଞ୍ଜଳି ମହାନ୍ତିଙ୍କୁ ଜଗତ୍ସିଂହପୁର ଏବଂ ସଞ୍ଜୁକ୍ତା ମହାନ୍ତିଙ୍କୁ କଳାହାଣ୍ଡି ଓ ନୂଆପଡା ଦାୟିତ୍ୱ ମିଳିଛି । ଦଳର ଗଣମାଧ୍ୟମ ବ୍ୟାପାର ସାଧାରଣ ସମ୍ପାଦକ ମାନସରଞ୍ଜନ ମଙ୍ଗରାଜଙ୍କ ସ୍ବାକ୍ଷରରେ ଏହି ନିଯୁକ୍ତିନାମା ପ୍ରକାଶ ପାଇଛି ।
ପୂର୍ବରୁ ୧୭ ଜଣଙ୍କୁ ବରିଷ୍ଠ ଉପସଭାପତି ଓ ଉପସଭାପତି ଏବଂ ପରବର୍ତୀ ପର୍ଯ୍ୟାୟରେ ୧୫ ଜଣ ନେତାଙ୍କୁ ଦଳର ବରିଷ୍ଠ ସାଧାରଣ ସମ୍ପାଦକ ରୂପେ ନିଯୁକ୍ତି ଦିଆଯାଇଥିଲା ।
