ସୁଆଣ୍ଡୋ : କରୋନା ମହାମାରୀକୁ ନେଇ ସାରା ଦେଶ ତିନିମାସ ହେଲା ଯୁଝୁଛି। ଅରି ମରି ନାହିଁ କି ଯୁଦ୍ଧ ସରି ନାହିଁ । ଏହି ଘଡିସନ୍ଧି ସମୟରେ ଶନିବାର ରାଜ୍ୟ ଲୋକକଳା ଦିବସ ଡିଜିଟାଲ ମାଧ୍ୟମରେ ପାଳନ କରାଯାଉଛି । ଏଥିପାଇଁ ପୁରୀଜିଲା ସତ୍ୟବାଦୀବ୍ଲକରେ ଲୋକକଳା ଦିବସ ଫିକା ପଡିଯାଇଛି । କରୋନା ମାଡରେ ତିନିମାସ ଧରି ଗ୍ରାମ୍ୟ କଳାକାରମାନେ ଘରେ ହାତବାନ୍ଧି ବସିଛନ୍ତି । ଯାହା ନିଜ ନିଜର କଳାଗୃହରେ ପ୍ରଶିକ୍ଷଣ ଚାଲିଛି । ଯେଉଁମାନେ ଏହାକୁ ନେଇ ମୁମ୍ବାଇ ହାଇଦ୍ରାବାଦ ବେଙ୍ଗାଲୁରୁ ପୁନେ ଲକ୍ଷ୍ନୌ କୋଲକାତା ଦିଲ୍ଲୀ ଆଦି ସହରରେ ନିଜର କଳା ନୈପୁଣ୍ୟ ପ୍ରଦର୍ଶନ କରି ପ୍ରଶଂସା ଅର୍ଜନ କରିବା ସହ ରୋଜଗାର କରି ଆସୁଥିଲେ। ଆଜି ସେମାନଙ୍କୁ ଅଭାବ ଅନାଟନରେ ଜୀବନ ବିତାଇବାକୁ ପଡୁଛି ।
ଉତ୍କଳୀୟ କଳା ଚାତୁର୍ଯ୍ୟର ଆଦର ବାହାର ରାଜ୍ୟମାନଙ୍କରେ ରହିଛି । ସରକାର ସମସ୍ତଙ୍କୁ କରୋନା ସହାୟତା ଦେଉଥିବା ବେଳେ ପଞ୍ଜିକୃତ କଳାକାରଙ୍କୁ ଆର୍ଥିକ ସାହାଯ୍ୟ ମିଳୁନି ବୋଲି ଅଭିଯୋଗ ହେଉଛି । ଓଡିଶାର ଲୋକକଳା ରାଜ୍ୟର ସମ୍ପଦ ।ଏ ଅସମୟ ବେଳରେ ସେମାନଙ୍କୁ ସୁରକ୍ଷା ସରକାରଙ୍କ ପକ୍ଷରୁ କରାଯାଉ ବୋଲି କୁହାଯାଉଛି । ସରକାରୀଭାବେ ଡିଜିଟାଲ ମାଧ୍ୟମରେ ଚଳିତବର୍ଷ ଲୋକକଳା ଦିବସ ପାଳନ କରାଯାଉଥିବା ଦୃଷ୍ଟିରୁ କଳାକାର ମାନଙ୍କ ମଧ୍ୟରେ ନୈରାଶ୍ୟ ସୃଷ୍ଟି ହୋଇଥିବା ଜଣାପଡିଛି
