ସମାଜ ପୋର୍ଟାଲ ଡେସ୍କ: ଉପରାଷ୍ଟ୍ରପତି ଏମ ଭେଙ୍କିଆ ନାଇଡୁ କହିଛନ୍ତି ଯେ ସଂସଦର ପରବର୍ତ୍ତୀ ଅଧିବେଶନ ଦେଶରେ କରୋନା ସଂକ୍ରମଣ ସ୍ଥିତି ଉପରେ ନିର୍ଭର କରେ। ରାଜ୍ୟସଭା ଅଧ୍ୟକ୍ଷ ଥିବା ନାଇଡୁ ‘ମିଶନ କନେକ୍ଟ’ର ଏକ ଅଂଶ ଭାବରେ ସାଂସଦଙ୍କ ସମେତ ବର୍ତ୍ତମାନ ଓ ପୂର୍ବତନ ରାଷ୍ଟ୍ରପତି, ପ୍ରଧାନମନ୍ତ୍ରୀ, ବିଚାରପତିମାନଙ୍କ ସହ କଥାବାର୍ତ୍ତା ହୋଇଥିଲେ।
ସୂଚନା ଅନୁଯାୟୀ, ନାଇଡୁଙ୍କ ସହ କଥାବାର୍ତ୍ତା ବେଳେ କିଛି ସଦସ୍ୟ ସଂସଦର ପରବର୍ତ୍ତୀ ଅଧିବେଶନ ବିଷୟରେ ପଚାରିଥିଲେ ଓ ନାଇଡୁ ସେମାନଙ୍କୁ କହିଥିଲେ ଯେ ପରବର୍ତ୍ତୀ ଅଧିବେଶନ ଦେଶରେ ସମ୍ପ୍ରତି ଗୁରୁତର ରୂପ ଧାରଣ କରିଥିବା କରୋନା ସଂକ୍ରମଣ ସ୍ଥିତି ଉପରେ ନିର୍ଭର କରେ। ସେ ଆହୁରି ମଧ୍ୟ କହିଛନ୍ତି ଯେ ସମଗ୍ର ଦେଶରେ ଏହି ଭୁତାଣୁ ବ୍ୟାପୁଥିବାରୁ ଏ ନେଇ ଏବେ ଠାରୁ କିଛି କହିବା ସମ୍ଭବ ନୁହେଁ।
