ମୁମ୍ବଇ: ପ୍ରଖ୍ୟାତ ବଲିଉଡ୍ ଅଭିନେତା ଇରଫାନ ଖାନଙ୍କର ବୁଧବାର ମୃତ୍ୟୁ ଘଟିଛି। ମୁମ୍ବଇର କୋକିଳାବେନ୍ ଧିରୁଭାଇ ଆମ୍ବାନୀ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ପରଲୋକ ଘଟିଛି। ବଲିଉଡ ଚଳଚ୍ଚିତ୍ର ନିର୍ଦେଶକ ସୁଜିତ ସରକାର ଟ୍ବିଟ୍ କରି ଏ ସମ୍ପର୍କରେ ସୂଚନା ଦେଇଛନ୍ତି। ଏହି ଖବର ପ୍ରଚାରିତ ହେବା ପରେ ବଲିଉଡ୍ ଜଗତରେ ଶୋକର ଛାୟା ଖେଳିଯାଇଛି। ବହୁ ବିଶିଷ୍ଟ ବ୍ୟକ୍ତି ଇରଫାନଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି।
୫୪ ବର୍ଷୀୟ ଇରଫାନ ମସ୍ତିଷ୍କ କର୍କଟ ରୋଗରେ ଆକ୍ରାନ୍ତ ହୋଇ ଦୀର୍ଘ ଦିନ ଧରି ଅସୁସ୍ଥ ଥିଲେ। ୪ ଦିନ ତଳେ ତାଙ୍କ ମା’ ସଇଦା ବେଗମଙ୍କ ମୃତ୍ୟୁ ଘଟିଥିଲା। ଇରଫାନ ଜଣେ ବହୁମୂଖୀ ଅଭିନେତା ଭାବେ ବଲିଉଡ୍ରେ ବେଶ୍ ନାଁ କମାଇଛନ୍ତି। ଦେଶ ବିଦେଶରେ ତାଙ୍କର ଅନେକ ପ୍ରଶଂସକ ରହିଛନ୍ତି। ତାଙ୍କ ମୃତ୍ୟୁ ପରେ ପ୍ରଶଂସକମାନେ ମଧ୍ୟ ମର୍ମାହତ ହୋଇପଡ଼ିଛନ୍ତି। ବଲିଉଡ୍ ଜଗତ ଏକପ୍ରକାର ସ୍ତବ୍ଧ ହୋଇଯାଇଛି। ଇରଫାନଙ୍କ ନିଖୁଣ ଏବଂ ଚମତ୍କାର ଅଭିନୟ ଦର୍ଶକଙ୍କ ମଧ୍ୟରେ ଉଜ୍ଜୀବିତ ରହିବ। ଇରଫାନ ଶେଷ ଥର ଲାଗି ‘ଇଂରେଜୀ ମିଡିୟମ’ ଚଳଚ୍ଚିତ୍ରରେ ନଜର ଆସିଥିଲେ। ଗତ ମାର୍ଚ୍ଚ ମାସ ୧୩ ତାରିଖରେ ଏହି ଚଳଚ୍ଚିତ୍ର ରିଲିଜ ହୋଇଥିଲା।
Comments are closed.