ନୂଆଦିଲ୍ଲୀ: କରୋନା ଭୂତାଣୁର ପରୀକ୍ଷା ପାଇଁ ଚୀନରୁ ୬ଲକ୍ଷ ୫୦ ହଜାର ରାପିଡ୍ ଟେଷ୍ଟିଂ କିଟ୍ ଆସି ଭାରତରେ ପହଞ୍ଚିଛି। ଭାରତ ସରକାରଙ୍କ ପକ୍ଷରୁ ଚୀନର ଏକ କମ୍ପାନୀକୁ ଟେଷ୍ଟିଂ କିଟ୍ ପାଇଁ ଅର୍ଡର ଦିଆଯାଇଥିଲା। କିନ୍ତୁ ତାହା ଭୁଲ ବଶଃତ ଆମେରିକାରେ ପହଞ୍ଚି ଯାଇଥିଲା। ଏବେ ତାହା ଆସି ଭାରତରେ ପହଞ୍ଚିଛି। ଫଳରେ ଏବେ ଦେଶରେ କରୋନା ପରୀକ୍ଷା ତ୍ଵରିତ୍ଵ ବେଗରେ ହୋଇପାରିବ ବୋଲି ଆଶା କରାଯାଉଛି।
ଭାରତରେ ପହଞ୍ଚିଥିବା କିଟ୍ ମଧ୍ୟରେ ଆଣ୍ଟିବଡି ଏବଂ ଆରଏନଏ ଏକ୍ସଟ୍ରେଶନ କିଟ୍ ସାମିଲ ରହିଛି। ଗୁରୁବାରଠାରୁ ଏସବୁକୁ ବିଭିନ୍ନ ରାଜ୍ୟକୁ ପଠାଯିବ। ବିଭିନ୍ନ ରାଜ୍ୟରେ ଚିହ୍ନଟ ହୋଇଥିବା ହଟସ୍ପଟ୍ ଅଞ୍ଚଳଗୁଡ଼ିକରେ ଏହି କିଟ୍ ବ୍ୟବହାର କରାଯିବ, ଯେଉଁଠି ଦ୍ରୁତଗତିରେ ସଂକ୍ରମଣ ବ୍ୟାପୁଛି। ଏହି ପରିପ୍ରେକ୍ଷୀରେ ଆସାମକୁ ୫୦ ହଜାର କିଟ୍ ପ୍ରଦାନ କରାଯାଇଛି।
