ଭୁବନେଶ୍ବର : ଭାରତ ସରକାରଙ୍କ ପ୍ରଖ୍ୟାତ ହିନ୍ଦୀ ପ୍ରଶିକ୍ଷଣ ସଂସ୍ଥା କେନ୍ଦ୍ରୀୟ ହିନ୍ଦୀ ସଂସ୍ଥାନ, ଆଗ୍ରା ରାଷ୍ଟ୍ରୀୟ ଓ ଅନ୍ତରାଷ୍ଟ୍ରୀୟ ସ୍ତରରେ ହିନ୍ଦୀର ବିକାଶ ପ୍ରଚାର ଓ ପ୍ରସାର ଓ ପ୍ରୋତ୍ସାହନ ନିମନ୍ତେ କାର୍ଯ୍ୟରତ ବିଭିନ୍ନ ଶ୍ରେଣୀର ୨୬ଜଣ ହିନ୍ଦୀ ସେବୀ ବିଦ୍ବାନ ଲେଖକ ଓ ଲେଖିକାଙ୍କୁ ୨୦୧୭ ମସିହାର ସମ୍ମାନ ଜନକ ପୁରସ୍କାର ଘୋଷଣା କରିଛନ୍ତି । ଏଥିମଧ୍ୟରୁ ହିନ୍ଦୀ ଭାଷା ସାହିତ୍ୟର ପ୍ରଚାର ପ୍ରସାର ତଥା ଶିକ୍ଷଣ ଓ ପ୍ରଶିକ୍ଷଣ କ୍ଷେତେରରେ ଉଲ୍ଲେଖନୀୟ ଅବଦାନ ପାଇଁ ଅଧ୍ୟାପକ ଡକ୍ଟର ବିଜୟ କୁମାର ମହାନ୍ତିଙ୍କୁ ଗଙ୍ଗାଶରଣ ସିଂହ ପୁରସ୍କାର ଓ ପ୍ରଫେସର ଡ.ବିନୟ ଷଡଙ୍ଗୀ ରାଜାରାମଙ୍କୁ ମହାପଣ୍ଡିତ ରାହୁଳ ସଂସ୍କୃତାୟନ ପୁରସ୍କାର ପ୍ରଦାନ କରାଯିବ। ଏହି ସମ୍ମାନ ପ୍ରଦାନ ଅବସରରେ ଭାରତର ମହାମହିମ ରାଷ୍ଟ୍ରପତି ତାଙ୍କୁ ପାଞ୍ଚ ଲକ୍ଷ ଟଙ୍କା , ଅଙ୍ଗବସ୍ତ୍ର, ମାନପତ୍ର ଓ ଅନ୍ୟାନ୍ୟ ଉପଢୌକନ ପ୍ରଦାନ କରିବେ ।
ଡ. ବିନୟ ଷଡଙ୍ଗୀ ରାଜାରାମ ଭାରତର ଅନେକ ପ୍ରତିଷ୍ଠିତ ସାହିତ୍ୟିକ ଏବଂ ସଂସ୍କୃତିକ ସଂସ୍ଥା ଦ୍ବାରା ପୁରସ୍କୃତ ଓ ସମ୍ମାନିତ । ଦେଶର ଜଣେ ଲବ୍ଧ ପ୍ରତିଷ୍ଠିତ ସାହିତ୍ୟିକ ଭାବେ ପରିଚିତ । ସେ ଭାରତ ବର୍ଷରେ ହିନ୍ଦୀ ଓ ଗ୍ରୀକ ଭାଷାର ପ୍ରଥମ ଅନୁବାଦକ ।
ସେହିପରି ଡ. ମହାନ୍ତି ଚାକିରି ଜୀବନରେ ରାଜ୍ୟର ବିଭିନ୍ନ ସରକାରୀ କଲେଜରେ ହିନ୍ଦୀ ବିଭାଗରେ ଅଧ୍ୟାପନା କରି ୨୦୧୨ରେ ବାଲେଶ୍ବରର ଫକୀର ମୋହନ ମହାବିଦ୍ୟାଳୟ ବାଲେଶ୍ବରରୁ ଅବସର ଗ୍ରହଣ କରିଛନ୍ତି । ସେ ପ୍ରାଦେଶିକ ଓ ରାଷ୍ଟ୍ରୀୟସ୍ତରରେ ୫୦ରୁ ଉର୍ଦ୍ଧ୍ବ ସଂଗୋଷ୍ଠୀରେ ସେ ନିଜର ପ୍ରବନ୍ଧ ଉପସ୍ଥାପନ କରିଛନ୍ତି ।
