ବେଜିଂ: କରୋନାର ମୂଳ ଉତ୍ପତ୍ତିସ୍ଥଳ କୁହାଯାଉଥିବା ଚୀନର ଉହାନ୍ ସହର ୭୬ଦିନ ଲକ୍ ଡ଼ାଉନ ପରେ ଆସନ୍ତା କାଲି ଅର୍ଥାତ ବୁଧବାରକୁ ଖୋଲିବ । କରୋନା ଏହି ସହରରେ ମୃତ୍ୟୁର ତାଣ୍ଡବ ସୃଷ୍ଟି କରିବା ପରେ ଜାନୁଆରୀ ୨୩ ତାରିଖରେ ଏହି ସହରକୁ ଚୀନ ସରକାର ଲକ୍ଡ଼ାଉନ୍ କରିଥିଲେ । କରୋନାରେ ଏହି ସହରରେ ଚୀନର ସବୁଠାରୁ ବେଶୀ ମୃତ୍ୟୁ ହୋଇଥିଲା । ଆସନ୍ତାକାଲି ଲକ୍ଡ଼ାଉନ୍ ଖୋଲିବା ପରେ ସହରରେ ପରିବହନ ବ୍ୟବସ୍ଥାକୁ ଉନ୍ମୁକ୍ତ କରି ଦିଆଯିବ ବୋଲି ସୂଚନା ମିଳିଛି । ଉଭୟ ବାୟୁପଥ, ରେଳପଥ ଓ ସଡ଼କ ପଥରେ ଲୋକମାନଙ୍କୁ ଯାତାୟତ ପାଇଁ ଅନୁମତି ଦିଆଯିବ । ୧.୧ କୋଟି ଜନସଂଖ୍ୟା ବିଶିଷ୍ଟ ଏହି ସହରରେ ଦେଶର ମୋଟ ମୃତକ ୩୩୩୧ ମଧ୍ୟରୁ ୨୫୦୦ ମୃତ୍ୟୁ ଘଟିଥିଲା । ସେହିପରି ଚୀନର ମୋଟ ସଂକ୍ରମିତ ୮୨ହଜାର ସଂକ୍ରମିତଙ୍କ ମଧ୍ୟରୁ ପ୍ରାୟ ୫୦ ହଜାର ଏହିଠାରେ ସଂକ୍ରମିତ ହୋଇଥିଲେ । ଗତ ଡ଼ିସେମ୍ବର ମାସରେ ଉହାନରେ ପ୍ରଥମ ମୃତ୍ୟୁ ଘଟିଥିଲା ।
Popular Categories
Previous article
Next article