୪୪ ବର୍ଷ ବୟସରେ ଦ୍ବିତୀୟ ଥର ପାଇଁ ମାଆ ହେଲେ ଶିଳ୍ପା: ଘରକୁ ଆସିଲା କୁନି ପରୀ

ମୁମ୍ବଇ: ବଲିଉଡ଼ ଅଭିନେତ୍ରୀ ଶିଳ୍ପା ସେଟ୍ଟୀ କୁନ୍ଦ୍ରା ୪୪ ବର୍ଷ ବୟସରେ ଦ୍ୱିତୀୟଥର ମାଆ ହୋଇଛନ୍ତି। ସାମାଜିକ ଗଣମାଧ୍ୟମରେ ଶିଳ୍ପା ନିଜେ ଏହି ସୂଚନା ଦେଇଛନ୍ତି। ସରୋଗେସି ଜରିଆରେ ଫେବୃୟାରୀ ୧୫ ତାରିଖରେ ତାଙ୍କର ଏକ ଝିଅ ହୋଇଥିବା ସେ କହିଛନ୍ତି। ଏହାସହ  ଝିଅର ହାତ ସହ ଏକ ଫଟୋ ସାମାଜିକ ଗଣମାଧ୍ୟମରେ ସେ ଶେୟାର କରିଛନ୍ତି। ଝିଅର ନାଁ ସମୀଷା ରଖାଯାଇଛି ବୋଲି କହିଛନ୍ତି। ଫଟୋ ଶେୟାର କରି ‘‘ଓମ୍‌ ଗଣେଶାୟ ନମଃ। ଆମ ପ୍ରାର୍ଥନାର ଆଜି ଫଳ ମିଳିଛି। ଆମ ଘରକୁ ଆଜି କୁନି ପରୀ ଆସିଛି’’ ବୋଲି ଶିଳ୍ପା ପୋଷ୍ଟରେ ଲେଖିଛନ୍ତି। ସାମାଜିକ ଗଣମାଧ୍ୟମରେ ଏହି ପୋଷ୍ଟ ଦେଖି ସମସ୍ତେ ଶିଳ୍ପା ଓ ତାଙ୍କ ସ୍ବାମୀ ରାଜ କୁନ୍ଦ୍ରାଙ୍କୁ ଶୁଭେଚ୍ଛା ଜଣାଇଛନ୍ତି।

https://www.instagram.com/p/B80Uq2RB3yj/?utm_source=ig_web_copy_link

ସୂଚନାଯୋଗ୍ୟ, ୨୦୦୯ ମସିହା ନଭେମ୍ବର ୨୨ ତାରିଖରେ ଶିଳ୍ପା ବ୍ୟବସାୟୀ ରାଜ୍‌ କୁନ୍ଦ୍ରାଙ୍କୁ ବିବାହ କରିଥିଲେ। ୨୦୧୨ରେ ତାଙ୍କ ପୁଅ ଭିଆନ୍‌ ଜନ୍ମ ହୋଇଥିଲେ।