ପୁରୀ: ପୁରୀ ପୁଲିସ କ୍ୱାର୍ଟର ଗଣଦୁଷ୍କର୍ମ ଘଟଣାରେ ଆଜି ଆଉ ଦୁଇ ଜଣକୁ ଗିରଫ କରାଯାଇଛି। ସେମାନେ ହେଉଛନ୍ତି ରଞ୍ଜିତ ପରିଡା ଓ ତାଙ୍କ ପତ୍ନୀ। ପୁରୀ ଗଣ ବଳାତ୍କାର ଘଟଣାରେ ସେମାନଙ୍କ ସମ୍ପୃକ୍ତି ଥିବା ପୁରୀ ଏସପି ଉମା ଶଙ୍କର ଦାସ କହିଛନ୍ତି। ଏକ ଘରୋଇ ନିଉଜ ଚ୍ୟାନେଲରେ କ୍ୟାମେରାମ୍ୟାନ ଭାବେ କାର୍ଯ୍ୟ କରୁଥିବା ରଞ୍ଜିତ ଓ ତାଙ୍କ ପତ୍ନୀ ବିଭିନ୍ନ ସମୟରେ ଝିଅମାନଙ୍କୁ ଖରାପ କାର୍ଯ୍ୟରେ ନିୟୋଜିତ କରୁଥିବା ଓ ସ୍କୁଟିରେ ସେମାନଙ୍କୁ ଭୁବନେଶ୍ୱର ଆଣି ଗ୍ରାହକମାନଙ୍କ ପାଖରେ ପହଞ୍ଚାଉଥିବା ଏକ ଅସମର୍ଥିତ ସୂତ୍ରରୁ ଜଣାପଡିଛି। ପୁଲିସ ଉଭୟଙ୍କୁ ଜେରା କରିବା ପରେ ହିଁ ଏଭଳି ଘଟଣାରେ ଅନ୍ୟ କେତେଜଣ ସାମିଲ ଜଣାପଡିବ। ଏହି ଦୁଇ ଜଣକୁ ମିଶାଇ ଏ ପର୍ଯ୍ୟନ୍ତ ପୁଲିସ କ୍ୱାର୍ଟର ଗଣଦୁଷ୍କର୍ମ ଘଟଣାରେ ୬ ଜଣକୁ ଗିରଫ କରିଛି।
ଅନ୍ୟ ଏକ ସୂତ୍ରରୁ ମିଳିଥିବା ଖବର ଅନୁଯାୟୀ, ଏହି ଗଣଦୁଷ୍କର୍ମ ଘଟଣାରେ ଏକାଧିକ ବ୍ୟକ୍ତି ସମ୍ପୃକ୍ତ ଅଛନ୍ତି। ସେମାନଙ୍କୁ ଗିରଫ କରିବା ପାଇଁ ଉଦ୍ୟମ ଚାଲିଥିବା ଜଣାପଡିଛି।
