ଆଇଆଇସିଙ୍କ ଉତ୍ତମ ବ୍ୟବହାର ପାଇଁ ଟ୍ବିଟ୍ କରି ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭବାନୀପାଟଣା : କଳାହାଣ୍ଡି ଜିଲାର ମଦନପୁରରାମପୁର ଥାନା ଆଇଆଇସି ଉତ୍ତମ କୁମାର ସାହୁଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ଟ୍ବିଟ୍ କରି ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି। ଆଇଆଇସି ଶ୍ରୀ ସାହୁ ଥାନାକୁ ଆସୁଥିବା ଲୋକମାନଙ୍କୁ ଉତ୍ତମ ବ୍ୟବହାର କରିବା ସହିତ ଥାନାକୁ ଆସୁଥିବା ଗରିବ ଓ ଅସହାୟ ଲୋକମାନଙ୍କୁ ସବୁ ପ୍ରକାର ସହାୟତା ଦେଉଛନ୍ତି। ଏ ସଂପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଶେଷ ସୂତ୍ରରୁ ଜାଣିବା ପରେ ଫୋନ ଏବଂ ଟ୍ବିଟ୍ କରି ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି। ଏହା ସହିତ ମୋ ସରକାରର ଏହା ହେଉଛି ଏକ ବଡ ସଫଳତା ବୋଲି ମଧ୍ୟ ନବୀନ ଉଲ୍କେଖ କରିଛନ୍ତି।