ମୁମ୍ବଇ : ପ୍ରିୟଙ୍କା ଚୋପ୍ରା ଓ ଫରହାନ ଅଖତରଙ୍କ ଅଭିନୀତ ଚଳଚ୍ଚିତ୍ର ‘ଦି ସ୍କାଏ ଇଜ୍ ପିଙ୍କ୍’ ଶୁକ୍ରବାର(୧୧ ଅକ୍ଟୋବର) ମୁକ୍ତିଲାଭ କରିଛି। ଚଳଚ୍ଚିତ୍ରକୁ ନେଇ ଦର୍ଶକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି। ଏହି ଚଳଚ୍ଚିତ୍ର ଦେଖିବା ପରେ ସେଲିବ୍ରିଟିଙ୍କଠାରୁ ଆରମ୍ଭ କରି ପ୍ରଶଂସକଙ୍କ ପର୍ଯ୍ୟନ୍ତ ସମସ୍ତେ ଭାବପ୍ରବଣ ହୋଇପଡ଼ିଥିଲେ। ଆୟଶା ଚୌଧୁରୀ ନାମକ ଝିଅ ଓ ତା’ର ପରିବାରର ଏହି କାହାଣୀ ଖୁବ୍ ହୃଦୟସ୍ପର୍ଶୀ ଏବଂ ଭାବ ପ୍ରବଣତାରେ ପରିପୂର୍ଣ୍ଣ। ଚଳଚ୍ଚିତ୍ର ଦେଖି ଦର୍ଶକମାନେ କାନ୍ଦିଥିବା ମଧ୍ୟ କହିଛନ୍ତି। ଚଳଚ୍ଚିତ୍ରରେ ପ୍ରିୟଙ୍କାଙ୍କ ସହ ଜାୟରା ୱସୀମ, ଫରହାନ୍ ଅଖ୍ତର୍, ରୋହିତ୍ ସରାଫ ଓ ବାକି ସହ କଳାକାରମାନଙ୍କ ଅଭିନୟର ମଧ୍ୟ ଖୁବ୍ ପ୍ରଶଂସା କରାଯାଉଛି। ଏହାର ନିର୍ଦ୍ଦେଶକ ସୋନାଲୀ ବୋଷଙ୍କୁ ମଧ୍ୟ ସାମାଜିକ ଗଣମାଧ୍ୟମରେ ଭଲ ପ୍ରତିକ୍ରିୟା ମିଳିଛି।
ସୂଚନାଯୋଗ୍ୟ, ଏହି ଚଳଚ୍ଚିତ୍ର ମାଧ୍ୟମରେ ପ୍ରିୟଙ୍କା ଦୀର୍ଘ ଦିନର ବିରତି ପରେ ବଲିଉଡ଼କୁ ଫେରିଛନ୍ତି। ତେବେ ବକ୍ସ ଅଫିସରେ ଏହା ଭଲ ବ୍ୟବସାୟ କରିବ ବୋଲି ନିର୍ମାତା ଆଶା ପୋଷଣ କରିଛନ୍ତି।
Comments are closed.