ଅହମ୍ମଦାବାଦ : କରୋନା ସଂକ୍ରମଣ ଦୃଷ୍ଟିରୁ ଗୁଜରାଟର ଅହମ୍ମଦାବାଦରେ ୫୭ ଘଣ୍ଟିଆ ମାରାଥନ୍ କର୍ଫ୍ୟୁ ଆଜି ରାତିରୁ ଆରମ୍ଭ ହେବ। ଦ୍ରୁତ ଗତିରେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ଏହି କର୍ଫ୍ୟୁ ଶୁକ୍ରବାର ଅର୍ଥାତ୍ ଆଜି ରାତି ୯ ଟାରୁ ଆରମ୍ଭ ହେବ ଏବଂ ନଭେମ୍ବର ୨୩ ସୋମବାର ସକାଳ ୬ ଟା ପର୍ଯ୍ୟନ୍ତ ବଳବତ୍ତର ରହିବ। ଏହି ସମୟରେ, ଏକ ଲକଡାଉନ୍ ଗୁଜବ ନେଇ ସାରା ସହରର ଲୋକେ ନିତ୍ୟ ବ୍ୟବହାର୍ଯ୍ୟ ଜିନିଷ କିଣିବା ପାଇଁ ବଜାରରେ ପ୍ରବଳ ଭିଡ ଜମାଇଥିଲେ। ଏଭଳି ପରିସ୍ଥିତିରେ ମୁଖ୍ୟମନ୍ତ୍ରୀ ବିଜୟ ରୁପାନି ଗୁଜବକୁ ଧ୍ୟାନ ନ ଦେବାକୁ ଲୋକଙ୍କୁ ନିବେଦନ କରିଛନ୍ତି। ସେହିପରି ୨୩ ନଭେମ୍ବରରୁ ବିଦ୍ୟାଳୟ ଖୋଲିବା ନିଷ୍ପତ୍ତିରେ ପରିବର୍ତ୍ତନ କରାଯାଇଛି।
Corona situation was reviewed late night and it has been decided that “complete curfew”shall be imposed from tomorrow night 9:00 pm till Monday morning 6:00 am in city of Ahmedabad. During this period, only shops selling milk and medicines shall be permitted to remain open
— Dr Rajiv Kumar Gupta (@drrajivguptaias) November 19, 2020
ଆଜି ରାତିରୁ ଆରମ୍ଭ ହେବ କର୍ଫ୍ୟୁ
ଗୁଜରାଟର ବରିଷ୍ଠ ଆଇଏଏସ୍ ଅଧିକାରୀ ଡକ୍ଟର ରାଜୀବ କୁମାର ଗୁପ୍ତା ୫୭ ଘଣ୍ଟିଆ ମାରାଥନ୍ କର୍ଫ୍ୟୁ ବିଷୟରେ ଟ୍ୱିଟ୍ କରିଛନ୍ତି। ସେ ଲେଖିଛନ୍ତି, ‘ବିଳମ୍ବିତ ରାତିରେ କରୋନା ସ୍ଥିତିର ସମୀକ୍ଷା କରାଯାଇଥିଲା। ଏହା ପରେ ନିଷ୍ପତ୍ତି ନିଆଯାଇଛି ଯେ ଅହମ୍ମଦାବାଦ ସହରରେ ଶୁକ୍ରବାର ରାତି ୯:୦୦ ରୁ ସୋମବାର ସକାଳ ୬:୦୦ ପର୍ଯ୍ୟନ୍ତ ସମ୍ପୂର୍ଣ୍ଣ କର୍ଫ୍ୟୁ ଲାଗୁ କରାଯିବ। ଏହି ସମୟ ମଧ୍ୟରେ କେବଳ କ୍ଷୀର ଏବଂ ଔଷଧ ବିକ୍ରୟ କରୁଥିବା ଦୋକାନଗୁଡ଼ିକୁ ଖୋଲା ରହିବାକୁ ଅନୁମତି ଦିଆଯିବ |
