ମେଗା ପାନୀୟ ଜଳ ପ୍ରକଳ୍ପ ଭିତ୍ତି ପ୍ରସ୍ତର ସ୍ଥାପନ: ଖର୍ଚ୍ଚ ହେବ ୨୧୩.୯୮କୋଟି, ଉପକୃତ ହେବେ ୧ ଲକ୍ଷ ୩୪ ହଜାର ୧୬୭ ଜଣ ଲୋକ

ଭୁବନେଶ୍ୱର: ଆଜି ମନ୍ତ୍ରୀ, ପଞ୍ଚାୟତିରାଜ ଓ ପାନୀୟଜଳ, ଗ୍ରାମ୍ୟ ଉନ୍ନୟନ ରବି ନାରାୟଣ ନାୟକଙ୍କ ଉପସ୍ଥିତିରେ ପୁରୀ ଜିଲ୍ଲାର ଗୋପ ବ୍ଲକର ୧୪ ଗୋଟି ପଞ୍ଚାୟତର ୮୪ଟି ଗ୍ରାମ ଏବଂ ନିମାପଡା ବ୍ଲକର ୨ଟି ପଞ୍ଚାୟତର ୬ଟି ଗ୍ରାମ, ପୁରୀ ସଦର ବ୍ଲକ ର ୧୨ ଗୋଟି ପଞ୍ଚାୟତର ୬୭ଟି ଗ୍ରାମ, ପାଇଁ ମେଗା ପାନୀୟ ଜଳ ଯୋଗାଣ ପ୍ରକଳ୍ପର ଶୁଭ ଭିତ୍ତିପ୍ରସ୍ତର ସ୍ଥାପନ କରିଛନ୍ତି ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡା । ୨୧୩.୯୮ କୋଟି ଟଙ୍କା ମୂଲ୍ୟରେ ନିର୍ମାଣ ହେବାକୁ ଥିବା ଏହି ପ୍ରକଳ୍ପ ଦ୍ୱାରା ମୋଟ ୧ ଲକ୍ଷ ୩୪ ହଜାର ୧୬୭ ଜଣ ଲୋକ ଉପକୃତ ହେବେ।
ନିମାପଡ଼ା ର ଅନ୍ତୁଆର, ଆରିସଷ୍ଢ ଏବଂ ଗୋପର ବଣିଆସହି, ବନ୍ତଳିଗ୍ରାମ, ନାଗପୁର, ଗଣେଶ୍ୱରପୁର, ଡଭାର, ନୁଆଖିଲମରା ଏବଂ ଅଣ୍ଡିରା ଇଚ୍ଛାପୁର ଜନତା ପ୍ରକଳ୍ପ ଦ୍ୱାରା ଉପକୃତ ହେବେ। ଉତ୍ତମ ସ୍ୱାସ୍ଥ୍ୟ ଏବଂ ନିରୋଗ ଜୀବନ ପାଇଁ ପୁଷ୍ଟିଯୁକ୍ତ ଖାଦ୍ୟ ସମେତ ବିଶୁଦ୍ଧ ପାଣିର ମଧ୍ୟ ଆବଶ୍ୟକତା ଅଛି ତେଣୁ ସମସ୍ତଙ୍କ ପାଖରେ ବିଶୁଦ୍ଧ ପିଇବା ପାଣି ପହଞ୍ଚାଇବା ଆମର ମୁଖ୍ୟ ଲକ୍ଷ୍ୟ।

ପରେ କୋଣାର୍କ ସ୍ଥିତ ଯାତ୍ରୀ ନିବାସ ଠାରେ ପଞ୍ଚାୟତିରାଜ ଏବଂ ପାନୀୟଜଳ ବିଭାଗର ସଚିବ, ନିର୍ଦ୍ଦେଶକ, ଇଆଇସି ଏବଂ ଅନ୍ୟ ବରିଷ୍ଠ ଅଧିକାରୀଙ୍କ ସହ ନିମାପଡ଼ା ନିର୍ବାଚନ ମଣ୍ଡଳୀର ପାନୀୟ ଜଳ ସମସ୍ୟା ଉପରେ ଉପମୁଖ୍ୟମନ୍ତ୍ରୀ ପ୍ରଭାତି ପରିଡା ଆଲୋଚନା କରିବା ସହ ସବୁ ସମସ୍ୟାର ସମାଧାନ ନିର୍ଦ୍ଧିଷ୍ଟ ସମୟ ଭିତରେ କରିବା ପାଇଁ ନିର୍ଦ୍ଦେଶ ଦେଇଥିଲେ। ଲୋକଙ୍କ ସରକାରରେ ଆମେ ସମସ୍ତେ ସାଧାରଣ ଲୋକଙ୍କ ସମସ୍ୟାର ସମାଧାନକୁ ଗୁରୁତ୍ଵ ଦେଇ କାର୍ଯ୍ୟ କରୁଅଛୁ ବୋଲି କହିଛନ୍ତି ଉପମୁଖ୍ୟମନ୍ତ୍ରୀ ।

ଆଜି କୋଣାର୍କ ସ୍ଥିତ ଯାତ୍ରୀ ନିବାସରେ ପଞ୍ଚାୟତିରାଜ ଏବଂ ପାନୀୟଜଳ, ଗ୍ରାମ୍ୟ ଉନ୍ନୟନ ବିଭାଗ ମନ୍ତ୍ରୀ ଏବଂ ବିଭାଗୀୟ ସଚିବ ଏବଂ ନିର୍ଦ୍ଦେଶକଙ୍କ ପୁରୀ ଜିଲାର ପାନୀୟଜଳ ପ୍ରକଳ୍ପ ଗୁଡ଼ିକର ଏକ ସମୀକ୍ଷା ବୈଠକରେ ଯୋଗଦେଇଥିଲେ।