ତେଲକୋଇ : ତେଲକୋଇ ଥାନା ଅନ୍ତର୍ଗତ ୪୯ନଂ ଜାତୀୟ ରାଜପଥ ରୁଗୁଡ଼ି ଛକ ନିକଟରେ ଟ୍ୟାଙ୍କର – ଟ୍ରକ ମୁଁହାମୁହିଁ ଧକ୍କା ହେବା ଫଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି। ମୃତକ ଜଣକ ଚମ୍ପୁଆ ଥାନା ରଙ୍ଗମାଟିଆ ପଞ୍ଚାୟତ ର ଟିଆଁସପଶି ଗ୍ରାମର ରଶ୍ମିରଞ୍ଜନ ବେହେରା(୨୫) ଓ ଗୁରୁତର ଜଣକ ଯୋଡ଼ା ଥାନା ରଇଡ଼ା ଗାଁ ର ଅଜିତ କୁମାର ପଲେଇ(୨୧) ବୋଲି ଜଣାପଡିଛି।
ସୂଚନା ଅନୁଯାୟୀ ଟ୍ୟାଙ୍କରଟି ଅନୁଗୋଳରୁ ମୋବିଲ ବୋଝେଇନେଇ କେନ୍ଦୁଝର ଅଭିମୁଖେ ଯାଉଥିବା ବେଳେ ତେଲକୋଇ ଥାନା ଅନ୍ତର୍ଗତ ୪୯ନଂ ଜାତୀୟ ରାଜପଥ ରୁଗୁଡି ଛକ ନିକଟରେ ଏକ ୧୨ଚକିଆ ଟ୍ରକ କେନ୍ଦୁଝର ଆଡୁ ଦ୍ରୁତଗତିରେ ଆସି ସାମ୍ନାରୁ ଧକ୍କା ଦେଇଥିଲା। ଘଟଣାସ୍ଥଳ ରୁ ଟ୍ରକ ଟି ଫେରାର ହୋଇଯାଇଥିଲା । ଖବର ପାଇ ଟ୍ୟାଙ୍କରରେ ଥିବା ଦୁଇଜଣଙ୍କୁ ଉଦ୍ଧାର କରି ରୋଗୀଯାନ ଯୋଗେ ତେଲକୋଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ରେ ଭର୍ତି କରାଯାଇଛି। ଟ୍ୟାଙ୍କରରେ ଥିବା ରଶ୍ମିରଞ୍ଜନଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ଚାଳକ ଅଜିତଙ୍କ ଅବସ୍ଥା ଗୁରୁତର ରହିଛି।
Comments are closed.