କୋଏମ୍ବାଟୁର: ଦୁଇ ଜଣ ହିନ୍ଦୁ ନେତାଙ୍କୁ ହତ୍ୟା ଷଡ଼ଯନ୍ତ୍ର କରାଯାଇଥିଲା। ପୁଲିସ ଏହାର ପ୍ରମାଣ ପାଇବା ପରେ ୫ ଜଣଙ୍କୁ ଗିରଫ କରିଛି। ଏକ ବିବାହ ଭୋଜିରେ ଯୋଗ ଦେବାକୁ ଆସିଥିବା ଜଣାପଡ଼ିବା ସୂଚନା ପାଇ ପୁଲିସ ଅଭିଯୁକ୍ତମାନଙ୍କୁ ଗିରଫ କରିଥିଲା। ଗିରଫ ଅଭିଯୁକ୍ତଙ୍କଠାରୁ ୫ଟି ମାରଣାସ୍ତ୍ର ଜବତ କରାଯାଇଛି। ସେମାନେ ନିର୍ଦ୍ଦିଷ୍ଟ ଭାବେ କେଉଁ ଆତଙ୍କବାଦୀ ଗୋଷ୍ଠୀର ତାହା ଜଣାପଡ଼ି ନଥିଲେ ମଧ୍ୟ ଆଇଏସ୍ଆଇଏସ୍ର ଜମ୍ମୁ ଶାଖା ସହିତ ସମ୍ପର୍କ ଥିବା ପୁଲିସ ପ୍ରାଥମିକ ତଦନ୍ତରୁ ଜାଣିପାରିଛି। ହିନ୍ଦୁ ମାକାଲ୍ କାଟ୍ଚିର ଦୁଇ ନେତାଙ୍କୁ ହତ୍ୟା କରିବା ସହିତ ସ୍ଥାନୀୟ ଅଞ୍ଚଳରେ ଦଙ୍ଗା ସୃଷ୍ଟି କରିବା ଉଦ୍ଦେଶ୍ୟରେ ସେହି ପାଞ୍ଚ ଜଣ ଯୁବକ କୋଏମ୍ବାଟୁର ଆସିଥିଲେ। ଆସନ୍ତା ୧୩ ତାରିଖରେ ଗଣେଶ ଚତୁର୍ଥୀ ବେଳେ ସେମାନେ ଦଙ୍ଗା ଓ ଅଶାନ୍ତି ସୃଷ୍ଟି କରିବାର ଯୋଜନା କରିଥିବା ପୁଲିସ କହିଛି।
Popular Categories
Previous article
Next article