ସାନ୍ତା ବେଶରେଅସୁସ୍ଥ ପିଲାଙ୍କ ମଧ୍ୟରେ ଖୁସି ବାଣ୍ଟିଲେ ଓବାମା
ନୂଆଦିଲ୍ଲୀ: ଆମେରିକାର ପୂର୍ବତନ ରାଷ୍ଟ୍ରପତି ବରାକ ଓବାମା ପୁଣି ଏଭଳି କିଛି କାର୍ଯ୍ୟ କରିଛନ୍ତି ଯାହା ଚର୍ଚ୍ଚାର ବିଷୟ ପାଲଟିଛି । ବୁଧବାର ଓବାମା ସାନ୍ତା କ୍ଳଜ୍ ବେଶରେ ୱଶିଂଟନର ‘ଚିଲ୍ଡ୍ରେନ୍ସ୍ ନେସ୍ନାଲ୍ ମେଡିକାଲ୍ସେଣ୍ଟର୍’ ରେ ପହଞ୍ଚିଥିଲେ । ସାନ୍ତା ଟୋପି ଏବଂ ଏକ ଆକର୍ଷଣୀୟ ମୁଣାରେ ଅନେକ ଉପହାର ନେଇ ଓବାମା ଡାକ୍ତରଖାନାରେ ପହଞ୍ଚି ପିଲାମାନଙ୍କୁ ଚକିତ କରି ଦେଇଥିଲେ । ତାଙ୍କୁ ଦେଖି ଅସୁସ୍ଥ ପିଲା ମୁହଁରେହସ ଖେଳି ଯାଇଥିଲା । ବରାକ୍ ଓବାମା ପିଲାମାନଙ୍କ ସହ କିଛି ସମୟ ଅତିବାହିତ କରିବା ସହ ସେମାନଙ୍କ ସ୍ବାସ୍ଥ୍ୟାବସ୍ଥା ବିଷୟରେ ପଚାରି ବୁଝିଥିଲେ । ପିଲାମାନଙ୍କୁ ଉପହାର ଦେବା ସହ ମେଡିକାଲ ସେଣ୍ଟର ପାଇଁ କିଛି ଅର୍ଥ ମଧ୍ୟ ଦାନ କରିଥିଲେ । ମେଡିକାଲ୍ ସେଣ୍ଟର୍ କର୍ତ୍ତୁପକ୍ଷଙ୍କୁ ଓବାମା କହିଥିଲେଯେ ‘ମୁଁ ଆପଣମାନଙ୍କୁ ଧନ୍ୟବାଦ କରିବାକୁ ଆସିଥିଲି’ । ରାଷ୍ଟ୍ରପତି ପଦରେ ନଥାଇ ମଧ୍ୟ ଓବାମାଙ୍କ ଭଳି କାର୍ଯ୍ୟ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଛି । ଯାହା ଦ୍ବାରା ସେ ପୁଣି ଲୋକଙ୍କ ହୃଦୟରେ ସ୍ଥାନ ପାଇବା ସହ ଲୋକପ୍ରିୟତାର ଶୀର୍ଷରେ ରହିଛନ୍ତି । ଏହାର ଏକ ଭିଡିଓ ଓବାମା ସୋସିଆଲ ମିଡିଆରେ ସେୟାର କରିଛନ୍ତି । ଟୁଇଟରେ ସେୟାର କରି ଓବାମା କହିଛନ୍ତି ଯେ, କିଛି ଅସାଧାରଣର ପିଲା ଓ ସେମାନଙ୍କ ପରବାର ସହ ଭେଟିବାକୁ ସୁଯୋଗ ମିଳିଲା । ଦୁଇଟି ପିଲାର ବାପା ହୋଇ ମୁଁ ଏହା କଳ୍ପନା କରିପାରୁଛି ଯେ ନର୍ସ, ଷ୍ଟାଫ୍ ଓ ଡାକ୍ତର ଯେଭଳି ସମସ୍ତଙ୍କ ଯତ୍ନ ନେଉଛନ୍ତି ତାହା ଧନ୍ୟବାଦର ଯୋଗ୍ୟ।
