ଗୁଜରାଟ ପୌର ନିର୍ବାଚନରେ ବିଜେପିର ବାଜିମାତ

0

ଅହମଦାବାଦ : ଗୁଜରାଟ ପୌର ନିର୍ବାଚନରେ ବିଜେପି ପୁଣିଥରେ ବାଜିମାତ କରିଛି । ଗୁଜରାଟର ୭୫ ନଗରପାଳିକାରୁ ବିଜେପି ୪୪ଟିରେ ବିଜୟ ଲାଭ କରିଥିବାବେଳେ କଂଗ୍ରେସ ୨୭ଟିରେ ଜିତିଛି । ଅନ୍ୟ ଦଳଙ୍କୁ ୪ଟି ପୌରପାଳିକା ମିଳିଛି । ଗତ ନିର୍ବାଚନ ତୁଳନାରେ ବିଜେପି ହାତରୁ ୧୬ଟି ନଗରପାଳିକା ଖସିଯାଇଛି। ଗତ ନିର୍ବାଚନରେ ବିଜେପି ୬୦ଟି ନଗରପାଳିକାରେ ବିଜୟ ଲାଭ କରିଥିଲା ବେଳେ ଚଳିତ ନିର୍ବାଚନରେ ଏହା ହ୍ରାସ ପାଇ ୪୪ରେ ପହଞ୍ଚିଛି । ଅପରପକ୍ଷରେ ଗତ ନିର୍ବାଚନରେ କଂଗ୍ରେସ ମାତ୍ର ୧୬ଟି ଆସନରେ ବିଜୟଲାଭ କରିଥିବାବେଳେ ଚଳିତ ନିର୍ବାଚନରେ ଏହାର ସଂଖ୍ୟା ବଢି ୨୭ରେ ପହଞ୍ଚିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଘରୋଇ ସହର ଭଡ଼ନାଗରରେ ବିଜେପି ୨୮ରୁ ୨୭ଟି ଆସନରେ ବିଜୟ ଲାଭ କରି କଂଗ୍ରେସର ମୂଳପୋଛ କରିଦେଇଛି । ଭାଲସାଡ଼ର ଧରମପୁରରେ ବିଜେପିକୁ ୧୪ଟି ଆସନ ମିଳିଥିବାବେଳେ କଂଗ୍ରେସକୁ ୧୦ଟି ଆସନ ମିଳିଛି । ମୋଟାମୋଟି ଭାବେ ପୌର ନିର୍ବାଚନରେ ବିଜେପି ବିଜୟ ପତାକା ଉଡ଼ାଇଥିଲେ ବି କଂଗ୍ରେସ ଭୋଟ ଓ ସିଟି ସଂଖ୍ୟାରେ ବୃଦ୍ଧି ପରିଲକ୍ଷିତ ହୋଇଛି ।

Leave A Reply