ଚେନ୍ନାଇ: ତାମିଲନାଡୁର ମଦୁରାଇରେ ଏକ ଅମାନବୀୟ ଘଟଣା ଦେଖିବାକୁ ମିଳିଛି । ପ୍ରେମ ନିବେଦନ କରି ବିଫଳ ହେବାରୁ ବିଫଳ ପ୍ରେମିକ ଜଣେ ନାବାଳିକୁ ପୋଡି ହତ୍ୟା କରିବାକୁ ଉଦ୍ୟମ କରିଛି । ୧୪ ବର୍ଷ ବୟସ୍କ ନାବାଳିକାଟି ବିଦ୍ୟାଳୟରୁ ନିଜ ମାଆଙ୍କ ସହ ଫେରୁଥିବା ବେଳେ ଏହି ଘଟଣା ଘଟିଛି ।
Related Posts
୨୦ ବର୍ଷିୟ ବାଲମୁରୁଗନ ନିଜ ଘର ପାଖର ଏକ ନାବାଳିକାକୁ ଏକ ତରଫା ପ୍ରେମ କରୁଥିଲା । ମାତ୍ର ସେ ବାରମ୍ବାର ପ୍ରେମ ନିବେଦନ ବିଫଳ ହୋଇଥିଲା । ନାବାଳିକା ଉପରେ କିରୋସିନ ଢାଳି ମୁରୁଗୁନ ନିଆଁ ଲଗାଇ ଦେଇଥିଲା । ପାଖରେ ଥିବା ଲୋକମାନେ ନିଆଁ ଲିଭାଇବାକୁ ଚେଷ୍ଟା କରିଥିଲେ । ମାତ୍ର ନାବାଳିକାର ଶରୀରର ୬୦ ପ୍ରତିଶତ ଜଳି ଯାଇଛି ।
ଘଟଣା ସ୍ଥଳରୁ ମୁରୁଗନ ଫେରାର ହୋଇଯାଇଛି ।ପୁଲିସ ଏବେ ଅଭିଯୁକ୍ତକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢଉ କରିଛି ।