ହାଇଦରାବାଦ : ସାମାଜିକ ଗଣମାଧ୍ୟମ ହ୍ୱାଟସ ଆପ୍ ମାଧ୍ୟମରେ ଓମାନ ନିବାସୀ ସ୍ୱାମୀଙ୍କଠାରୁ ତିନି ତଲାକ ପାଇଥିବା ଜଣେ ମୁସଲମାନ ମହିଳା ନ୍ୟାୟ ପାଇଁ ବୈଦେଶିକ ମନ୍ତ୍ରୀ ସୁଷମା ସ୍ୱରାଜଙ୍କ ସହାୟତା ଲୋଡିଛନ୍ତି। ୨୦୧୭ ମେ’ ମାସରେ ସମ୍ପୃକ୍ତା ମହିଳା ଓମାନର ଜଣେ ୬୨ ବର୍ଷ ବୟସ୍କ ନାଗରିକଙ୍କୁ ବିବାହ କରିଥିଲେ। ବିବାହ ପରେ ସ୍ୱାମୀଙ୍କ ସହିତ ପ୍ରାୟ ଏକ ବର୍ଷ ସେ ଓମାନରେ ରହିଥିଲେ। ଏହି ସମୟରେ ସ୍ୱାମୀ ତାଙ୍କୁ ଅସଦାଚରଣ କରିଥିଲେ ମଧ୍ୟ ପରିସ୍ଥିତି ସହିତ ସାଲିସ କରି ଶେଷରେ ସେ ଏକ ଶିଶୁର ଜନନୀ ହୋଇଥିଲେ। ମାତ୍ର ଅସୁସ୍ଥତା କାରଣରୁ ଶିଶୁଟିର ମୃତ୍ୟୁ ହେବା ପରେ ସ୍ୱାମୀ ତାଙ୍କୁ ଘରୁ ତଡ଼ିଦେଇଥିଲେ। ୨୦୧୮ ଜୁଲାଇରେ ଚିକିତ୍ସା ବାହାନାରେ ସ୍ୱାମୀ ତାଙ୍କୁ ହାଇଦରାବାଦ ପଠାଇଦେଇଥିଲେ। ୨୦୧୮ ଅଗଷ୍ଟ ୧୨ରେ ସ୍ୱାମୀ ହ୍ୱାଟସ ଆପ୍ରେ ତିନି ଥର ତଲାକ ଲେଖି ବିବାହ ବିଚ୍ଛେଦ ଘଟାଇଥିଲେ ବୋଲି ମହିଳା ଜଣକ ଅଭିଯୋଗ କରିଛନ୍ତି।
