ଭିଡିଓରେ ଦେଖନ୍ତୁ… ଛାତ ଉପରେ ଶୋଇଛି କୁମ୍ଭୀର

ସମାଜ ଡିଜିଟାଲ ଡେସ୍କ: ପ୍ରବଳ ବର୍ଷା ଯୋଗୁ ଆସିଲା ବନ୍ୟା। ଘରେ ପାଣି ପଶିଲା। ଏବେ ଘରର ଟିଣ ଛାତ ଉପରେ ଶୋଇଛି କୁମ୍ଭୀର। ଏଭଳି ଭୟଙ୍କର ଦୃଶ୍ୟ ଆସିଛି ଗୁଜରାଟରୁ। ପ୍ରବଳ ବର୍ଷା ଯୋଗୁ ଗୁଜରାଟର ଭଦୋଦରା ଅଞ୍ଚଳରେ ଅଚାନକ ବନ୍ୟା ଆସିବା ଫଳରେ ହଜାର ହଜାର ଲୋକେ ଜଳବନ୍ଦୀ ହୋଇ ରହିଛନ୍ତି। ପ୍ରଶାସନ ପକ୍ଷରୁ ୨୦ ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ଉଦ୍ଧାର କରାଯାଇଛି। ହେଲେ ଏହା ଭିତରେ ଦେଖିବାକୁ ମିଳିଛି ଭୟଙ୍କର ଦୃଶ୍ୟ। ବନ୍ୟା ଜଳରେ କୁମ୍ଭୀର ଆସି ଘରେ ପଶୁଛି। ସାମାଜିକ ଗଣମାଧ୍ୟମ ଏକ୍ସ’ରେ ଏକ ଭିଡିଓ ଶେୟାର କରାଯାଇଛି, ଯେଉଁଥିରେ ବନ୍ୟା ଜଳରେ ଆସିଥିବା ଏକ କୁମ୍ଭୀର ଛାତ ଉପରେ ଥିବା ଦେଖିବାକୁ ମିଳିଛି। ଦୃଶ୍ୟଟି ଅକୋଟା ଷ୍ଟାଡିୟମ ଅଞ୍ଚଳର। ବନ୍ୟା ଜଳରେ କୁମ୍ଭୀରକୁ ଦେଖିବା ପରେ ଲୋକେ ଅଧିକ ଆତଙ୍କିତ ହୋଇପଡ଼ିଛନ୍ତି। ଅଞ୍ଚଳରେ ଏବେ ୬ ଫୁଟ ଉଚ୍ଚର ବନ୍ୟାପାଣି ପ୍ରବାହିତ ହେଉଛି। ପ୍ରବଳ ବର୍ଷା ଯୋଗୁ ଗୁଜରାଟରେ ୩୦ରୁ ଅଧିକ ଲୋକଙ୍କ ମୃତ୍ୟୁ ଘଟିଛି।

A crocodile was spotted on the roof of a house in Gujarat’s #Vadodara as the state continues to reel from floods after extremely heavy rainfall.

The video of the incident has gone viral on social media.#GujaratFloods #Crocodile #GujaratNews pic.twitter.com/rkoIm7SPRx

— TIMES NOW (@TimesNow) August 29, 2024